Hugues I^er, comte de Champagne, donne à l'église Saint-Pierre-aux-Monts une femme de Coulmiers, avec son fils, sa fille et leur postérité.

l.1 In nomine sancte et individue Trinitatis. Cum initium sit sapientiȩ timor Domini, sapienter
l.2 decet principibus jura legis disponere, ne calliditate posterorum, seu inertia disrumpatur, si quid timore Domini in
l.3 presenti a fidelibus [...]. Idcirco ego Hugo, comes Canpanie, notum fieri volo tam presentie quam posteritati
l.4 fidelium, casu me [...] in ȩcclesia Beati Petri de Montibus, causa visitationes fratrum ibidem Deo servientium cum quibus
l.5 dum familiaritatis verba proferrent provisores ȩcclesie humiliter conquesti sunt, plurimas a meis ministris pati
l.6 infestationes, maxime super Viviani uxorem, filiumque et filiam, quos me donasse ȩcclesiȩ asserebant, ipsi vero ministri
l.7 multimodis eos opprimebant. Quibus querelis condolens inquirere cepi ab ipsis consedentibus ministris utrum
l.8 hoc verum esset, sed diverse eos sentire cognoscens, nec velle fallere religiosos credens. In nomine Domini
l.9 amodo ipsam uxorem Viviani de Colomeris filiumque et filiam cum omni posteritate ȩcclesiȩ concessi, ministros vero
l.10 ab omni exactione super ipsos et super res ecclesiȩ in omne comitatu meo perpetuo cessare precepi. Et quia ut superius
l.11 dixi sapienter secundum timorem Domini omnia disponenda sunt, dignum censeo hanc paginam [...] subscriptis idoneis
l.12 testibus roborari sigillo meȩ virtutis ac potestatis, ne quis in posterum quasi jure hereditario contra hoc meum
l.13 donum legitimum aspirare audeat. Signum Hugonis, comitis. Signum Arnulfi, monachi et prepositi ȩcclesiȩ. Signum Johannis, monachi.
l.14 Signum Rodulfi, monachi Novellȩ. Signum Josfridi de Chalmunt, constabularii. Signum Hugonis, prepositi. Signum Girardi, vilici. Signum Petri,
l.15 monetarii. Signum Odonis. Signum Bruneli, vilici. Signum Petri, decani.

1