Enguerran, évêque de Laon, donne à l'abbaye Saint-Thierry de Reims les autels de Condé-sur-Suippe et d'Aguilcourt. L'abbaye devra acquitter le droit de synode.

l.1 IN NOMINE SANCTȨ ET INDIVIDUȨ TRINITATIS, EGO INGELRANNUS, GRATIA DEI LAUDUNENSIUM EPISCOPUS.
l.2 Quoniam omnes ecclesiȩ sicut unum corpus eodem spiritu congregatȩ vivunt, et in ipso spiritu eadem
l.3 caritate conexȩ sunt, omnibus quibus possumus prodesse debemus, illis presertim quibus propiori
l.4 vinculo conexi familiarius communicamus. Erant igitur duo altaria nostrȩ diocesis, videlicet
l.5 in villis Condeti et Agulicurte, pro quibus frater Rodulfus abbas et congregatio Sancti Bartolomei apostoli
l.6 nos adierunt, quatinus ea nobis minus utilia, illis propinquioribus et eorum rebus interserta melius
l.7 profutura concedere deberemus. Quorum petitione suscepta, ratio consuluit caritati, ut
l.8 illis cederent quibus aliquatenus prodesse valerent. Consilio igitur et consensu fratris nostri
l.9 Ebali archidiaconi et cleri nostri, predicta altaria ecclesiȩ Beati Bartolomei apostoli et Sanctorum
l.10 confessorum Teoderici et Teudulfi perpetuo habenda, quiete possidenda, salvo sinodali jure,
l.11 dedimus, et ut nostra donatio in perpetuum immutabiliter perseveret, hoc privilegio confirmamus. [colonne1] Signum Ingelranni, episcopi. Signum Ebali, archidiaconi. Signum Walteri, archidiaconi. Signum Widonis, tesaurarii. Signum Odonis, cantoris. [colonne2] Signum Herberti, decani.
l.12 Actum Lauduni, anno dominicȩ incarnationis MCIIII, inditione XIII, concurrente VI, epacta III.
l.13 Ego Ansellus, cancellarius Sanctȩ Mariȩ, relegi.

1