Calixte II, pape, confirme l'ensemble des biens du chapitre cathédral de Cambrai

l.1 CALIXTUS, EPISCOPUS, SERVUS SERVORUM DEI, VENERABILI FRATRI BRUCARDO, CAMERACENSI EPISCOPO, EJUSQUE SUCCESSORIBUS CANONICE SUBSTI-
l.2-TUENDIS, IN PERPETUUM. Sicut injusta poscentibus nullus est tribuendus effectus, sic legitima desiderantium non est differenda petitio. Proinde nos petitioni tuȩ,
l.3 frater in Christo karissime Brucarde episcope, paterna benignitate accomodamus assensum. Tibi itaque tuisque successoribus in perpetuum confirmamus, quicquid liberalitate
l.4 principum, oblatione fidelium, vel aliis justis modis cognoscitur possidere, videlicet justitiam civitatis, monetam, theloneum, districtum, molendina de Salis, molendinum
l.5 ad portam aquarum, cambas et mansionarios, omnes pares et casatos, castellaniam cum casatis suis. Extra civitatem, terras arabiles, prata, piscarias, Puerorum villam, cum
l.6 terris sibi appendentibus, cum molendino et vivario, Santollam, cum appendiciis suis; districtum de Reilencurt, et de Bantineiis, Tumus et Palencurz,
l.7 Strumum, cum terris suis, et cum silvis, pratis, aquis, molendinis, cum districto et vivario de Navio; silvam de Nereio; Sausoit, cum terris suis,
l.8 pratis, aquis, molendinis, et cum duabus partibus decimȩ; Novum Castellum cum justitia, moneta, theloneo, districto, peagio, furnis, cambis, molendinis,
l.9 aquis, pratis, silvis, terris arabilibus, Nonfluz cum omnibus appendiciis suis, Ors cum appendiciis suis et familia, Rameries, Santiuri, Ferires, Watineies,
l.10 partem de Gombles, cappellam Forest. In pago Bracatensi, Melin cum ecclesia et altari, ceterisque appendiciis suis, et familia. In pago Suesionensi, Terni, cum familia
l.11 sua. In pago Coloniensi, Villare, Genevuilrasal, cum familia sua. Quicquid etiam in futurum prestante Deo juste atque canonice poteritis adipisci, firma vobis et integra
l.12 conserventur. Decernimus ergo, ut nulli omnino hominum liceat, vos deinceps temere pertubare, aut vestras possessiones auferre, vel ablatas
l.13 retinere, minuere, vel temerariis vexationibus fatigare, sed omnia integra conserventur, tam vestris, quam clericorum et pauperum usibus profutura. Si qua igitur
l.14 in futurum ecclesiastica secularisve persona, hanc nostrȩ constitutionis paginam sciens, contra eam temere venire temptaverit, secundo tertiove commonita, si non satisfactione
l.15 congrua emendaverit, potestatis honorisque sui dignitate careat, reamque se divino judicio existere de perpetrata iniquitate cognoscat, et a sacratissimo
l.16 corpore ac sanguine Dei et Domini nostri Redemptoris Jhesu Christi aliena fiat, atque in extremo examine districtȩ ultioni subjaceat. Cunctis autem sepedictȩ ecclesiȩ
l.17 justa servantibus, sit pax Domini nostri Jhesu Christi, quatenus et hic fratres bonȩ actionis percipiant, et apud districtum judicem premia ȩternȩ pacis inveniant. AMEN.
l.18 [rota] Ego Calixtus catholicȩ ecclesie episcopus subscripsi [benevalete].
l.19 Datum Remis, per manum Grisogoni, sanctȩ Romanȩ ecclesiȩ diaconi cardinalis ac bibliothecarii II kalendas novembris, indictione XIIIa,
l.20 incarnationis Dominicȩ anno MoCoXVIIIIo, pontificatus autem domni Calixti secundi papȩ anno primo.
l.22 [sceau].