Thibaud, comte de Blois, concède à l'abbaye de Marmoutier l'autel de Ventelay.

l.1 QUONIAM SUNT QUOTIDIANA ET ASSIDUA PECCATA NOSTRA QUIBUS OMNIPOTENTEM DOMINUM DIE NOCTUQUE AD IRACUNDIAM PROVOCAMUS ET QUIBUS INCESSANTER
l.2 tanto miserabilius quanto incautius a nobis ejus misericordiam repellimus, debemus ergo jugiter et vigilanter bonis operibus insistere, quibus eadem peccata nostra possimus redimere, et semper
l.3 ad ignoscendum paratam Dei misericordissimam bonitatem placare. Bonum nanque facientes, ait dominus Paulus apostolus, non deficiamus, tempore enim suo indeficientes metemus. Si ergo ita est,
l.4 immo quia vere ita est, debemus nos quibus Deus commisit terrenas divitias, super ipsas divitias creatorem nostrum diligere, et exinde pro amore ejus aliquid indigentibus erogare.
l.5 Quamobrem, ego Tetbaldus comes, hoc mecum sepe recogitans, nullos invenire potui pauperiores, quam eos qui cum seculo etiam facultatibus suis omnibus renuntiantes, omnipotenti domino,
l.6 die nocteque videntur famulari, monachos dico, qui quanto a strepitu mundi hujus remotiores, tanto sunt Deo viciniores, et divitiis perennibus ditiores, quorum in prȩsenti indigentiam
l.7 necesse est ut nostra suppleat abundantia, si velimus bonis eorum perennibus communicare. Quapropter peccatorum meorum multitudinem considerans, diemque judicii vehementer expaves-
l.8-cens, fratribus illis qui in Turonio monasterio scilicet Beati Martini quod Majus appellatur, omnipotenti domino videntur famulari, concedo altare de Ventiliaco quod dedit illis Sesgualo quidam meus fide-
l.9-lis qui de me in fevum illud tenebat, quatinus ipsi pro absolutione animȩ meae et parentum meorum dominum deprecentur. Sit ergo ab hodierna die in eorum potestate, et quicquid
l.10 melius illis videbitur, de eo faciant, et sicut eis placuerit ordinent et possideant. Et ne quisquam de heredibus meis vel alia quȩlibet persona hanc cartulam velut falsam ad irritum
l.11 ducere velit, sciat pro certo quia signo sanctȩ crucis quod inferius annotatum est manibus meis eam confirmaverim videntibus multis ex fidelibus meis, de quibus hic paucos inscribi
l.12 voluimus quorum ista sunt nomina: [colonne1] Girardus, Pontius, Hainricus, Rainaldus, Bonodius capellanus, Arnulfus, Ebrardus, Lupus. [colonne2] [croix].