Dijon, AD Côte-d'Or, 82 H 1075
Numéro4792
Fiabilité de l'actenon suspecté
Genrediplôme
Date25/08/1005(fiabilité :texte)
LieuAvallon(lat :apud Avalonem castrum, in obsidione)
DiocèseLangres
RégionBourgogne
Supportparchemin
Chirographienon
Sceau sceau plaqué perdu
Etat de la traditionoriginal
Hauteur à gauche595 mm
Hauteur à droite596 mm
Largeur en haut415 mm
Largeur en bas425 mm
AuteurRobert II, roi de FRANCE
BénéficiaireAbbaye de SAINT-BENIGNE de DIJON
Regeste
Fac-similé
Texte
l.2 Notum sit omnibus presentibus et futuris quod adierit Oddo, vicecomes Belno castri, serenitatem nostram, interventu Ottonis
l.3 comitis et Vualterii Augustidinensis episcopi, petens nostra auctoritate firmari quasdam sic res nominatas: villam Empillei
l.4 Sicci, infra comitatum qui vocatur Dumensis, cum omnibus appendiciis, terris, indominicatis mansis, campis, pratis, pascuis, silvis,
l.5 aquis aquarumque decursibus, exitibus et reditibus, mancipiis utriusque sexus ad eam villam pertinentibus, et cum omnibus
l.6 consuetudinariis exactionibus, ab his etiam qui francorum nomine censentur pro debito exigendis; et quod habet in
l.7 Milleteponto villa, in vineis et in t[er]ris, in comitatu Belnense; item in villa Vallilias, unum mansum ad manendum, cum vinea
l.8 et prato; item in villa Polmarco, unam vineam; insuper ecclesiam unam in suburbio Belno castri, per centum
l.9 curricula annorum et eo amplius destructam, ab ipso reedificatam in honore sancti Stephani. Predictas siquidem res
l.10 uxor ejus, sibi a parentibus hereditarie dimissas et diu possessas, per cartalem cartalem noticiam cum illo tradidit sancto
l.11 Benigno habendas, ac Vuillelmo abbati sibique subjectis monachis. Sed, quia predicta ȩcclesia, in qua ab ipso abbate
l.12 Willelmo monachorum ordo regularis collocandus est, super terram consistit, quam comes Otto ex nobis
l.13 tenet beneficiali dono, ipsius comitis precibus, in manibus nostris receptam sancto Benigno concedimus, pro
l.14 peticione Odonis. Sed, quia veracium relatu didicimus ipsam ȩcclesiam sancti Stephani antiquitus spaciosam habuisse
l.15 sepulturam, ipsa sepulchra, quȩ in circuitu et circumquaque longe lateque inveniuntur, testimonium
l.16 perhibent; quam sepulturam non minuimus, sed his novis determinationibus amplificatam distinguimus:
l.17 extendat igitur predicta aecclesia spacium sepulturȩ usque ad murum castri ex una parte, ex alia usque ad
l.18 cursum aquȩ quȩ dicitur Bosesis, ex tercia parte usque ad quadros, ex quarta usque publicam stratam, ubi reliquȩ viȩ
l.19 sibi occurrunt; infra has terminaciones, quantum necesse est, sepulturȩ subjaceat. Quod vero sepulturȩ superfluum
l.20 videtur, monachorum inibi Deo serviencium deserviat usibus, ea conditione, ut sicut memoratas res per cartȩ traditionem habet, sic hanc
l.21 terram, in qua aecclesia sita est, cum rebus per preceptum regale firmatis, per succedencia secula possideat. Statuimus ergo ut neque rex,
l.22 neque dux, neque episcopus, neque persona, cujuscunque sit dignitatis, quicquam de prescriptis rebus sancto Benigno concessis auferre presumat, sed omnis disposit-
l.23-io, sicut cartȩ se habet relationis ordo, abbatis et monachorum semper subsistat arbitrio ; et ut nsotrȩ confirmationis actoritas invio-
l.24-labilem obtineat firmitatem, manu nostra nostrorumque fidelium subter firmavimus ; et sigillo nostro insigniri jussimus.
l.25 SIGNUM ROTBERTI [monogramme] REGIS. [sceau].
l.26 Signum episcopi Fulconis. Signum Ottonis comitis. Signum Widonis comitis. Signum Hugonis comitis. Signum Rodulfi comitis. Signum Bruchardi. Signum Rainaldi comitis. Signum Walteri episcopis. Signum Odonis vicecomitis.
l.27 Data VIII kalendas septembris, anno ab incarnatione Domini MV, indictione III, epacta VII, regnante Rotberto rege X et VIII. Actum apud Avalonem castrum, in obsidione.
Bibliographie
NEWMAN (William Mendel), Catalogue des actes de Robert II, roi de France, Paris : Librairie du Recueil Sirey, 1937, p. 29-31, n° 24 (Analyse).
CHEVRIER (Georges), CHAUME (Maurice), Chartes et documents de Saint-Bénigne de Dijon, prieurés et dépendances des origines à 1300, t. 1 : VIe-Xe siècle, Dijon, 1986, t. 2, p. 28-30, n° 233.
CHASSEL (Jean-Luc), À propos de quelques documents de Saint-Bénigne de Dijon au XIe siècle: Robert le Pieux, [?]-Guillaume et le comté de Beaune; la liste des vicomtes et des prévôts de Dijon in Annales de Bourgogne, 65 (1993), p. 149.
PINOTEAU (Hervé), Les sceaux de Robert le Pieux, in BEC, t. 155 (1997), p. 235-245, p. 241, note 16 et 242 (fac-similé).
Responsable
M. Courtois
Comment citer cette notice
Acte n°4792 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4792»[En ligne] http://www.cn-telma.fr/originaux/charte4792/. Date de mise à jour : 24/11/14.