Baudouin VII, comte de Flandre, décide, après avoir entendu les échevins d'Arras et à la suite du différend survenu entre l'abbaye de Saint-Vaast et les boulangers d'Arras, que ceux-ci sont tenus de faire moudre leurs grains aux moulins de Meaullens.

l.1 IN NOMINE DOMINI, PATRIS ET FILII ET SPIRITUS SANCTI, AMEN.
l.2 Balduinus, filius Roberti comitis qui sepultus est Atrebati, comes Flandriȩ, cunctis fidelibus Dei salutem.
l.3 Notum fieri placuit presentibus et futuris, quia me comite Balduino demorante Atrebati et circumstante
l.4 curia mea sedente in camera abbatis, tunc temporis Henrici, ecce ipse abbas et monachi me conveniunt, queri-
l.5-moniam gravem adversus bolengarios ejusdem civitatis, sua cotidiana victualia distrahentes in audientia nostra
l.6 deponunt. Dicunt namque quia bolengarii omnes de urbe, jure antiquitus instituto et consuetudine debita, deberent an-
l.7-nonam suam ad molendina de Mellenz deferre, ibi semper et nusquam alibi molere, et modo presumptione illicita contra fas se
l.8 subtraherent, in injuriam et detrimentum ȩcclesiȩ. Quo audito, quia meum erat ȩcclesiȩ consulere, scabinos consistentes et
l.9 altiores et credibiliores viros civitatis super hoc consului, ut hujus rei veritatem in medium proferrent, per fidem et sacramen-
l.10-tum quod mihi fecerant adjuravi. Respondent verum esse bolengarios omnes Mellenz ire debere, ibi semper et non alibi molere. Quod
l.11 si serviens cellerarii aliquem bolengarium aliorsum annonam ferentem deprehenderet, asinum cum annona sine contradictione Mel-
l.12-lenz reducere, vel si aliunde redeuntem offenderet, asinum cum farina in curtem cellerarii deducere et in potestate ejus esse.
l.13 Hoc audito, tota curia conclamante, et ut ȩcclesiȩ suum jus restituerem postulante, precepi et preceptum presentibus et futuris
l.14 in memoriam reservandum scribi et etiam in pleno foro sub banni nomine declamari jussi, ne quis bolengarius ulterius
l.15 de civitate aliorsum ire molere, nisi Mellenz presumeret, et si quis iret captus a serviente cellerarii potestati cellerarii
l.16 subesset, et contemptus edicti mei poenam incurreret. Ego Balduinus comes, hoc preceptum edidi et precepti testes sunt isti :
l.17 Henricus abbas, Ibertus prior, Letoldus cellerarius, Galterus, Guazelinus, Goiffridus et multi alii. Laici : Gerardus castellanus de Cassel, Froolz
l.18 castellanus de Bergis, Guido de Stanford, Balduinus camerarius, Balduinus de Baliul. Abbatis homines : Johannes, Hilvinus, Alelmus,
l.19 Nicholaus, Tetboldus filius ejus, Hugo, Hugo Major, Sasvualo, Balduinus. Scabini : Gerardus, Gerricus, Rogerus, Galterus, Guazelinus,
l.20 Gonzelinus, Dodo, Hiluinus, Ingelbertus, Fulcho, Robertus Fichez, Bernerus filius Germari, Guazelinus filius Ulboldi, Rogerus Pungens,
l.21 Guibertus pincerna, Hato, Gerardus monetarius. Actum est Atrebati anno MCXV, regnante rege Ludovico.

VAN DRIVAL (E.), Cartulaire de l’abbaye de Saint-Vaast d'Arras rédigé au XIIe siècle par Guiman, Arras, 1875, p. 332.

VERCAUTEREN (Fernand), Actes des comtes de Flandre : 1071-1128, Bruxelles : Palais des Académies, 1938, p. 161-162, n° 69.

WAUTERS (A.), Table chronologique des chartes et diplômes imprimés relatifs à l’histoire de Belgique, 11 vol., Bruxelles, 1866-1971, t. 2, p. 78.

WAUTERS (A.), Table chronologique des chartes et diplômes imprimés relatifs à l’histoire de Belgique, 11 vol., Bruxelles, 1866-1971, t. 7, p. 204.