l.1 In nomine sancte et individue Trinitatis, Ego Hubertus, non preeuntibus meritis, sed sola Dei patientia, Tarvanensium cathedra intronizatus, omnibus orthodoxe fidei cultoribus, tam presentibus, quam futuris, salutem in domine Jhesu. Cum sit vita hominum labilis, eorumque facta nisi memoria teneantur cito pereant, litterarum inditia propalandi industria adinvenit, atque mortalium opera, ne diurnitate adnullari possint, kartis mandare consuevit. Quocirca, quoniam alieno in labore quemquam gloriosi absurdum valde est ac virtuti contrarium, placuit et mihi, quo sit mea intentio exsequendi, injunctum officium in uno opusculo presignare, ne commissi talenti videar repositor, cum sim forma et exemplar totius bonitatis vobis prepositus a Domino. Igitur notum quidem facio vobis ac meis successoribus quoniam, intervenientibus abbatibus domno videlicet Heriberto de sancto Bertino probabilis vite viro, ac domno Roberto de Alzi sanctitatis gratia ac morum honestate predico, suffragante quoque meo fideli comite Ingelramno de Hesdin, altare de Alziaco hactenus quidem, nos autem liberaliter ibidem Deo et sancto Silvino deservientibus assignatum, causa Dei ac meae salutis necne pro redemptione animarum predecessorum nostrorum atque successorum, provido mentis consilio, cum suis appenditiis libertati dono, excepto Altari de Wamin, quod personaliter habeant. Prefatam vero ecclesiam eo tenore liberam, et omni debito absolutam facio atque confirmo, quatenus,ad exhibendam summo pastori Tarvanensi ecclesie presidenti debite subjectionis reverentiam, II solidos in ceno Domini abbas ejusdem ecclesie quotannis ad manum Episcopi reddat, sic tamen ut altare comes in feudo ab episcopo teneat. Nullatenus autem permittendum judico quoniam bone memorie comes Walterus anime sue ac posterorum suorum consulens, zelo Dei ac caritatis fervore, ceonobium in honore sancti Silvini, cujus venerabile corpus ibidem requievit, ex propria hereditate edificare cepit, verum tamen morte preventus finire nequivit. Quod monasterium sue proprietatis cum appenditiis voluntate et covenientia filiorum suorum Ingelramni et Gerardi sancto Silvino tali ratione deputavit, ut quem concors congregatio de ipso monasterio Alziacensi, nihil in hoc exigente comite de Hesdin, qui advocatus et defensor ejusdem loci est, abbatem ex suis constituere voluerit, liberam facultatem in omnibus habeat. Si autem in eadem Alziacensi ecclesia qui constituatur abbas non fuerit inventus, communi quidem consilio et assensu fratrum suorum in ecclesia sancti Bertini, ubi ipse sanctus Silvinus corpore quiescit, libenter accipiatur. Patri vero succedens venerabilis comes Ingelramnus, ut pote fidelis et congruus heres, quod pater pie inceperat finire desiderans, voluntate et assensu sue conjugis Maheldis nomine uti pater ipsorum assignaverat et eo ampliora de reliqua hereditate, ne auctore, me teste ac defensore donat atque confirmat, que videlicet subscripta notamus : decima totius ville, molendina omnia, dua cambe libere, terra ad duas carrucas submanentes viginti quatuor, omni sabbato duo denarii ad lumen sancti, piscaria totius aque, inventio volatus et apum totius silve, decima silvaticarum bestiarum ; ac garbe de decima ville Grinni ; de Dumwesthest, altare et quod ad illud adjacet et mortui ; de Wamin, altare et atrium et quod ad illud pertinet ; de Erlencourt medietatis ville de Monteni, medietatis ville camporum, et silve de superiori Monteni altare et atrium et quod ajacet ; medietatis de ville Hubi camporum silve et aque ; mansura sancti Silvini in villa vallis dicta ; in villa Amy dicta terra ad unam caruccam, et campi et sylva et aque ; in villa Marla undecimam partem terrarum, et prata, et silva et aque. Servi vero Arnulfus et femina et infantes eorum, Odbertus et progenies ejus et femine et filii eorum in plurimis locis servi et ancille, et censuales vectigalium multi in Pontivo et inter Quantiam et Alteiam, comitatus vero totius allodii ad sanctum pertinet, scilicet Ban, Latro, Tof ; altare de Cozi et membra quae ad illud pertinent scilicet Blangizel et Masnils ; altare de Budberz et membra scilicet Vacaria, Flers, Ecquaria, Frodmermund et una garba de budza ; similiter una de omnibus membris, excepta Vacaria ; terra ad unam carrucam piscaria molendini de Bobert, piscaria molendini de Conzi ; piscaria inter Hesdinum et Vail ; altare de Fontainas et membra que sunt Moncels, Nova villa, Emelimpuz ? ; de Lizin ; altare de Canoit et atrium ; altare de Brasli et atrium ; altare de Bleirvileir et atrium ; altare de Erembodcurt et atrium ; altare de Capella et atrium et membra illi pertinentia ; scilicet Moncels, Gisny, Casnoit parvum ; altare de Engemuncurt et atrium ; tercia pars altaris et atrii de Morelqunmunt et membri illius, videlicet Hasperas ? ; de Boniras una garba de budza ; de Escuras similiter ; altare Sancti-Quintini de suburbio Hesdin cum XIII submansoribus comitissa Athela his adjecit unam garbam de budza de Alta Campana, de membris ejus, scilicet Olvin, Senonis, Wulfrancurt. Quod si hanc traditionem vel libertatem quivis futuro in tempore, quod absit, instinctu diaboli violare presumpserit, nostrique privilegii firmitatem mutando sive minuendo debilitare conatus fuerit, autoritate Dei omnipotentis et sancte Marie atque omnium sanctorum et nostri officii, quantum ad nos pertinet, sit anathema maranatha, nisi digna satisfactione resipuerit. Anno dominice incarnationis millesimo, septuagesimo nono, indictione secunda, ipsa sanctu Morinensi ecclesia, astantibus bonis et idoneis testimonio viris, quorum nomina et signa subscripta habentur S. Arnulfi, diaconi ; S. Balduini decani ; S. Gorelmi, cantoris ; S. Werin, cancellarii ; S. Odonis, custodie ; S. Johannis, M. ; S. Landberti, M. ; S. Drogonis, M. ; S. Ingelramni, comitis, ipsius ecclesie advocati ; S. Ingelramni Lileriensis ; S. Rotberti Bituensis, advocati ; S. Rotberti, vicecomitis ; S. Balduini de Hushem ; S. Henfridi de Tembroina. Regnante Philippo rege, anno II, epis. H.