Notice du legs fait à Saint-Pierre de Chemillé, sous le prieur Martin, par Sigebrand II, fils de Pierre de Chemillé, à son lit de mort dans le château de Vihiers, d'une bordée de terre nommée Guahannola et de la moitié d'une autre nommée Paluhel, à charge de l'ensevelir auprès de son père, legs confirmé par sa femme, sa sœur Vilana et le mari de celle-ci, Aimeri, fils d'Ermenard.

l.1 Nosse debetis tam presentes quam posteri hujus habitatores monasterii
l.2 Sancti Petri Camilliacensis, cellȩ videlicet Beati Martini Majoris Monasterii,
l.3 Sigebrannum filium Petri dum ad ultimum vitȩ suȩ veniret dimisisse, Sancto Petro et mona-
l.4-chis in hoc loco domino Deo famulantibus, pro suȩ animȩ redemptione, seu parentum suorum
l.5 unam borderiam terrȩ quȩ vulgo vocatur Gahannola, et aliam dimidiam quȩ sita est juxta
l.6 molendinum Gemelli, quȩ dicitur Paluel, s[icut ea]s tenebat, audiente conjuge sua, atque
l.7 Haimerico suȩ sororis marito. Roga[vitque dom]num Martinum qui res hujus cellȩ tunc
l.8 regebat, ut visitasset eum infirmum apud Vigerium castrum, et alios fratres quatinus
l.9 succurrerent suȩ animȩ, et corpus ejus decenter traderent sepulturȩ, juxta corpus
l.10 patris sui. Postquam vero animam reddidit, corpus ejus detulerunt de Vigerio, et cum magnis
l.11 obsequiis fecimus sepulturam altero die. Audierunt hoc donum et viderunt hi quorum
l.12 pro testibus subter inserta sunt nomina, Martinus prior, Martinus conversus, Gaufredus Murenus presbyter,
l.13 Landricus clericus de Vigerio, Giraldus filius Christianȩ, Gausbertus de Porta, Philippus,
l.14 Garnerius miles de Sancto Petro, Gaufredus filius ejus, Guillelmus filius Martini, Vasloterius.
l.15 Nec multo post Haimericus filius Hermenardi et uxor sua soror Sigebranni
l.16 Villana nomine, Deo et sancto Petro, ac monachis jure perpetuo concesserunt,
l.17 praedictum donum sicut Sigebrandus illud dederat, habere, videntibus et audientibus
l.18 his quorum nomina hic posita sunt, Guillelmus filius Martini, Vasloterius, Gausfredus Cochio, Otbrannus.

1