Notice de l'éxécution par Pierre II de Chemillé de la donation faite par son père Sigebrand à l'abbaye de Marmoutier de l'église Notre-Dame de Chemillé avec toutes ses dépendances, à charge pour l'abbé d'affecter deux prêtres au service de l'église Saint-Gilles, donation qui aurait dû avoir effet à la mort du curé Vivencius, auquel elle était réservée de son vivant.

l.1 Notum sit presentibus et futuris, quod monachi Majoris Monasterii diu reclamaverunt ȩcclesiam Sanctȩ Mariȩ de Chimilliaco dicentes, Sigebrannum
l.2 dominum ipsius castelli in quadam infirmitate sua dedisse eam pro anima sua et conjugis suȩ ac patrum suorum Deo ac Sancto Martino Majoris Monasterii,
l.3 et monachis suis, post mortem cujusdam Viventii presbiteri, cum omnibus ad illam pertinentibus, sicut idem Viventius eam tenebat, et illius doni
l.4 literas cum testibus proferebant. Cujus reclamationis ad hunc tandem finem devenerunt. Petrus filius Sigebranni cum eorum clamorem sepius
l.5 audisset et paternȩ donationis litteras vidisset, tandem salubri fidelium suorum usus consilio, noluit annullare elemosinam patris sui sed
l.6 reddidit, et ex parte sua etiam ipse donavit Deo ac beato Martino et monachis Majoris Monasterii ipsam ȩclesiam solutam et quietam sicut
l.7 ipse eam tenebat ea die cum omnibus ad eam pertinentibus videlicet et quȩ tempore Sigebranni ipsa ȩcclesia tenebat, et quȩ postea
l.8 ei addita sunt. Quarum rerum ad memoriam posterorum aliquas hic nominatim notavimus. Id est burgus, census ipsius burgi,
l.9 biamus, furnus, duo arpenni terre inter spallum et castellum, ȩcclesia sancti Egidii, et tercia pars fȩriȩ ipsius excepto minagio
l.10 et pectoribus vaccarum, decima molini Guillelmi filii Johannis, annonȩ et anguillarum, dimidius arpennus vineȩ, unus arpennus prati,
l.11 census et decima unius arpenni quem tenet filius Teolberti pistoris, et unius quarterii qui est Ingelranni vicarii. Dabit etiam
l.12 dominus de Chimilliaco, unoquoque anno monachis modiosam ȩcclesiarum id est duos modios annonȩ aut de mediaturis suis, aut de
l.13 carrucis suis. Fecit autem hanc donationem sive redditionem, anno incarnationis Domini MLXXXII, primo ad Rupem Fortem
l.14 supra ripam Ligeris, vigilia nativitatis beatȩ Mariȩ, postea in capitulo Sancti Mauricii in crastino ipsius festivitatis presente episcopo Andegavensi,
l.15 et astantibus multis et ibi per quoddam lignum tradidit ipsam ȩcclesiam cum omnibus appenditiis ejus sicut dictum est venerabili Bartholomeo abbati
l.16 Majoris Monasterii cum consensu et auctoritate venerabilis Andegavensis episcopi Gaufredi, et archidiaconi Gaufredi Sanctonensis in cujus archidiaconatu
l.17 est ipsa ȩcclesia, et aliorum canonicorum Sancti Mauricii qui tunc post primam in capitulo erant, quorum nomina subter ascripta sunt sicut et multorum qui
l.18 hoc viderunt et audierunt. Abbas vero Majoris Monasterii procurabit eidem ȩcclesiȩ duos idoneos presbiteros ad ei serviendum quorum unus erit
l.19 Guillelmus presbiter qui et hoc quod habebat de ipsa ȩcclesia recepit a domno abbate Bartholomeo habebitque quamdiu vixerit nisi forte
l.20 illud forcerit. Post mortem ejus veniet totum in dominium monachorum. Donationi quȩ facta est apud Rupem Fortem affuerunt
l.21 de hominibus Petri, Gaufredus Crassus, Bernerius de Choleto, Berengerius sinescalcus. Ex eis qui erant cum abbate, Burchardus cantor, Petrus
l.22 nepos ejus, Ebalus homo abbatis, Guido frater Hilgodi monachi, Gaufredus capellanus monachorum. Monachi, David, Ebrardus, Drogo, Martinus,
l.23 Bernardus. Isti ipsi affuerunt etiam donationi quȩ facta est in capitulo coram episcopo cum aliis multis clericalis et laicalis ordinis qui eam viderunt
l.24 et audierunt, quorum hec nomina sunt. Canonicorum, Rainardus decanus, Gaufredus cantor, Gaufredus Sanctonensis archidiaconus, Marbodus archidiaconus,
l.25 Hildebertus de Doado, Gilduinus filius Mainerii, Girardus de Morenna, Rotbertus de Losduno, Guarinus camerarius, Gaufredus Martinus,
l.26 Hugo frater Marbodi, Haligonus. Laicorum, Rainaldus filius Rotberti Burgundi, Rainaldus sinescalcus, Gaufredus Landricus,
l.27 Gaufredus de Choleto, Gaufredus filius Arraldi, Rannulfus Borrellus, Frotmundus filius Gualterii, Albricus de Vieriis, Gaufredus
l.28 Cochuns, Hugo Rufus sinescalcus, Gaufredus de Colonia, Rainardus Porcellus, Borrellus homo ejus. Monachi, Berengerius,
l.29 Gaufredus, item Gaufredus.
l.30 Signum Gaufredi [croix] Andegavensis episcopi.
l.31 Signum Petri [croix] filii Sigebranni.