Notice de l'éxécution par Pierre de Chemillé de la donation faite par son père Siébrand à l'abbaye de Marmoutier de l'église Notre-Dame de Chemillé avec toutes ses dépendances, à charge pour l'abbé d'affecter deux prêtres au service de l'église Saint-Gilles, donation qui aurait dû avoir effet à la mort du curé Vivencius, auquel elle était réservée de son vivant.

l.1 Notum sit prȩsentibus et futuris, quod monachi Majoris Monasterii diu reclamaverunt ecclesiam Sanctȩ Mariȩ de Chimilliaco, dicentes Sigebrannum dominum ipsius
l.2 castelli in quadam infirmitate sua dedisse eam pro anima sua et conjugis suȩ ac patrum suorum, Deo ac sancto MARTINO, post mortem cujusdam Viventii presbiteri, cum omnibus ad illam pertinentibus
l.3 sicut idem Viventius eam tenebat, et illius doni litteras cum testibus proferebant. Cujus reclamationis ad hunc tandem finem devenerunt. Petrus filius Sigebranni cum eorum clamorem sepius audis-
l.4-set, et paternȩ donationis litteras vidisset, tandem salubri fidelium suorum usus consilio, noluit annullare elemosinam patris sui, sed reddidit et ex parte etiam sua ipse donavit Deo
l.5 ac beato Martino et monachis Majoris Monasterii ipsam ecclesiam solutam et quietam sicut ipse eam ea die tenebat cum omnibus ad eam pertinentibus videlicet et quȩ tempore Sigebranni
l.6 ipsa ecclesia tenebat et quȩ postea ei addita sunt. Quarum rerum ad memoriam posterorum aliquas nominatim hic notavimus. Id est burgus, census ipsius burgi, biamus, furnus, IIo arpennes terrȩ inter spallum et
l.7 castellum, ecclesia sancti Egidii et tercia pars feriae ipsius excepto minagio et pectoribus vaccarum, decima molini Guillelmi filii Johannis, annone et anguillarum, dimidius arpennis vineȩ, I arpennum prati,
l.8 census et decima unius arpennis quem tenet filius Teolberti pistoris, et unius quarterii qui est Ingelranni vicarii. Dabit etiam dominus de Chimilliaco unoquoque anno monachis modiosam ecclesiarum id est duos modios annonȩ, aut de mediaturis suis, aut de carrucis suis. Fecit autem hanc donationem sive redditionem anno incarnationis Domini ML
l.9 XXXII, primo ad Rupem Fortem supra ripam Ligeris vigilia nativitatis beatȩ Mariȩ, postea in capitulo Sancti Mauricii in crastino ipsius festivitatis presente episcopo Andecavensi et astan-
l.10-tibus multis, et ibi per quoddam lignum tradidit ipsam ecclesiam cum omnibus appendiciis ejus sicut dictum est venerabili Bartholomeo abbati Majoris Monasterii cum consensu et auctoritate
l.11 Andecavensis episcopi venerabilis Gaufredi et archidiaconi Gaufredi Sanctonensis in cujus archidiaconatu est ipsa ecclesia, et aliorum canonicorum Sancti Mauricii, qui
l.12 tunc post primam in capitulo erant, quorum nomina subter ascripta sunt sicut et multorum qui hoc viderunt et audierunt. Abbas vero Majoris Monasterii procurabit eidem ecclesiȩ duos
l.13 idoneos presbiteros ad ei serviendum quorum unus erit Guillelmus presbiter qui et hoc quod habebat de ipsa ecclesia recepit a domno abbate Bartholomeo habebitque quam-
l.14-diu vixerit nisi forte illud forfecerit. Post mortem ejus veniet totum in dominium monachorum.
l.15 Donationi quȩ facta est apud Rupem Fortem affuerunt de hominibus Petri, Gaufredus Crassus, Bernerius de Choleto, Berengerius sinescalcus. Ex eis qui erant cum abbate,
l.16 Burcardus cantor, Petrus nepos ejus, Ebalus homo abbatis, Guido frater Hilgodi monachi, Gaufredus capellanus monachorum. Monachi, David, Ebrardus, Drogo, Martinus,
l.17 Bernardus. Isti ipsi affuerunt etiam donationi quȩ facta est in capitulo coram episcopo cum aliis multis clericalis et laicalis ordinis qui eam viderunt et audierunt, quorum hȩc nomina sunt,
l.18 canonicorum, Rainardus decanus, Gaufredus cantor, Gaufredus Sanctonensis archidiaconus, Marbodus archidiaconus, Hildebertus de Doado, Gilduinus filius Mainerii,
l.19 Girardus de Morenna, Rotbertus de Losduno, Guarinus camerarius, Gaufredus Martinus, Hugo frater Marbodi, Haligonus. Laicorum, Rainaldus filius Rotberti
l.20 Burgundi, Rainaldus sinescalcus, Gaufredus Landricus, Gaufredus de Choleto, Gaufredus filius Arraldi, Rannulfus Borrellus, Frotmundus filius Gualterii,
l.21 Albericus de Vieriis, Gaufredus Cochuns, Hugo Rufus sinescalcus, Gaufredus de Colonia, Rainardus Porcellus, Borrellus homo ejus. Monachi, Beringerius,
l.22 Gaufredus, item Gaufredus.
l.23 Signum Gaufredi [croix] Andecavensis episcopi.
l.24 Signum Petri [croix] filii Sigebranni.