Eudes, évêque de Cambrai, donne à l'abbaye d'Anchin les autels de Bermerain, Vendegie-sur-Ecaillon et Capelle ainsi que différents autres biens.

l.1 [chrisme] IN NOMINE SANCTȨ ET INDIVIDUȨ TRINITATIS. Odo divina miseratione
l.2 Cameracensium episcopus, tam futuris quam presentibus in perpetuum. Cum per Salomem qui ait:
l.3 Fili si habes benefac tecum et Deo dignas oblationes offer ad bene agendum invitemur,
l.4 dignum est, ut de licitis et Deo dignis, ȩcclesiarum utilitatibus provideamus. Condescendentes itaque
l.5 reverendȩ Aquicinensis ȩcclesiȩ petitioni, altare sancti Martini de Bermerengh ad usus fratrum, altare
l.6 etiam de Vendelgens, altare de Capella, libera et sine persona, salvis per omnia Cameracensis
l.7 episcopi et ministrorum suorum reditibus consilio clericorum nostrorum eidem concessimus, eo siquidem te-
l.8-nore, ut prelibatȩ ȩcclesiȩ abbas episcopalibus conciliis intersit, et presbiteri prenominatis altaribus
l.9 servituri, cura ab episcopo recepta, episcopo et ministris suis de synodalibus respondeant. Porro
l.10 dimidietatem fȩodii quod Hugo de Genacurth in Albenciolo et Fersiis quia eadem ȩcclesia
l.11 obtinuit, huic privilegio annotavimus. Siquidem in presentia nostra predictus Hugo dimidie-
l.12-tatem predicti fȩodii tam in silvis quam in terris cultis et incultis eo tenore ȩcclesiȩ Aquicinensi
l.13 concessit, ut proinde duo solidi infra dies paschȩ sibi et heredi suo annuatim ab ȩcclesia
l.14 solvantur, et terragium concessȩ terrȩ ad Albenciolum seu Fersiis, prout ipse vel heres suus
l.15 dictaverit, deducatur. Decretum est autem quia Oisiacenses quandam illius terrȩ partem interceperant,
l.16 demedietate sua illam ȩcclesiȩ cambire, donec reclamante nemine, ȩcclesia quod suȩ partis est,
l.17 quiete valeat possidere. Reddidit itaque prenominatam feodii illius medietatem in manu
l.18 Galteri Tonitrui et filii sui ejusdem nominis, de quorum feodo erat, nos vero eorum redditione et
l.19 concessione quia a nobis descendebat, sepefatȩ ȩcclesiȩ coram subscriptis testibus annuimus.
l.20 Affuerunt clerici: Rotbertus scolasticus sancti Gaugerici, Gerardus Flavus, Guido de Castimonte, Laici:
l.21 Huardus et frater ejus Ansellus, Silvester, Rumoldus, Erleboldus Lietaldi filius, Sicherus de Thun, Walterus
l.22 de Paliuncurth, Isaac Udonis filius, Petrus Franconis. Ne igitur privilegii istius continenti, sinis-
l.23-tra incurisone pervadatur, in prevaricatores anathema porrigimus, et ut in perpetuum maneat, sigilli
l.24 nostri impressione et canonicarum subscriptione personarum, confirmamus. Signum Teoderici prenominatorum
l.25 altarium archidiaconi. Signum Johannis archidiaconi. Signum Anselli archidiaconi. Signum Eurardi archidiaconi. Signum Erleboldi prepositi, Erle-
l.26-boldi decani, Balduini, Gerardi, Mascelini canonicorum.
l.27 Actum incarnati Verbi MoCoXIII anno, indictione IIIIa, presulatus domni VIIIo.
l.28 Ego Werinboldus cancellarius scripsi et subscripsi.
l.29 [sceau].

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 208.

VAN MINGROOT (E.), Liste provisoire des actes des évêques de Cambrai de 1031 à 1130, dans µSerta devota in memoriam Guillelmi Lourdaux, pars posterior : cultura mediaevalisµ, éd. W. Verbeke et al, Louvain, 1995, p. 13-55, p. 41, n° 49.

GERZAGUET (Jean-Pierre), Les chartes de l'abbaye d'Anchin (1079-1201), Turnhout, 2005 (Artem), p. 130-131, n° 34.