Concorde faite à la cour de Pierre de Chemillé, du temps de Renaud, évêque d'Angers, entre les religieux de Saint-Pierre de Chemillé, sous le prieur Robert, et Borrel, fils de Béranger le Sénéchal, et sa mère Talpa : la terre dite la Barre de Béranger donnée au prieuré par la mère de Béranger, Oelina, et la vigne du moine Morin leur sont concédées. Ils abandonnent au prieuré en retour la dîme des vignes réclamée par le prieuré à Ulseium.

l.1 Sciant subsequaces nostri Majoris Monasterii videlicet monachi,
l.2 precipueque habitatores hujus loci Sancti Petri Ch[a]milliaci, quod quando con-
l.3-cessimus Borrello filio Berengerii senescalci et matri ejus nomine Tal-
l.4-pe, habere absque calumnia nostri, donum quod Oelina mater prefati Berengerii pro
l.5 salute animȩ suȩ nobis fecerat de terra quȩ est vocitata de Barra Be-
l.6-rengerii, que est conjuncta molendino inferius sito, et vineam quȩ fuit
l.7 Morini monachi nostri qui nuncupatus est Morinus Panis et Aqua, tunc ipse Borrellus
l.8 et mater ejus decimam omnem vinearum quam illis calumniabamus de Haia, quam quidam
l.9 alio vocabulo Ulseium vocant, ceterarum enim rerum
l.10 decimam omnem quȩ inde procedebat quiete obtinebamus, et decimam
l.11 unius arpenni terrȩ que fuit Alberti filii Martini, de quo census noster erat, et
l.12 decima illorum, et unam olcham terrȩ quȩ est post viridiarum nostrum absque
l.13 calumnia eorum atque heredum suorum nobis habere et in perpetum possidere con-
l.14-cedendo dereliquerunt. Hujus nempe concordiȩ compositores ac testes
l.15 undique fuerunt domnus Petrus Chamilliaci dominus in cujus curia facta est,
l.16 Galganus filius ejus, Gaufredus Landricus, Haimericus de Pirilio, Gaufredus
l.17 Mansellus, et Balduinus filius Haumari. Fuerunt tamen ex parte
l.18 Borelli et matris ejus testes, Morinus de Malo Lepore, Mauricius
l.19 Froardus, Garinus Bofestridus, Herveius Coopertorium. Ex nostra autem parte,
l.20 Rotbertus prefati loci Sancti Petri prior, Odo Sancti Petri, Galterius de Malgia,
l.21 filius ejus Petrus, Martinus filius Mirsȩ et Juellus famulus.
l.22 Factum est autem hoc apud Camilliacum, Fulcone Andecavis existente comite,
l.23 et Raginaldo presulatum regente.
l.24 Hoc tamen sciendum est quod quamdiu olcham predictam de viridiario non plantabimus et cum nostro viridiario includendo non conjungemus,
l.25 annuatim II denarios inde census illis reddemus.

1