Notice précisant que l'abbaye d'Anchin tiendra du chapitre cathédral de Cambrai deux brasseries.

l.1 [chrisme] IN NOMINE DOMINI STATUTUM EST HOC PRIVILEGIUM IN CONSPECTU PRESENTIUM AD MEMORIAM FUTURORUM.
l.2 Agnoscant igitur filii qui nascentur suisque narrent posteribus, qualiter sancta Aquicinen-
l.3-sis ȩcclesia, cambas duas teneat, unam in Cameracensi foro juxta fabricas, alteram vero huic
l.4 proximam, in vico eodem, qui vocatur Calceia. Quarum una, de fundo terrȩ, et legitima est
l.5 possessione canonicorum beatissimȩ Mariȩ virginis, sed alteram pari tenore constat esse
l.6 canonicorum sanctȩ Crucis. Has ergo duas prȩdictȩ Aquicinensi ȩcclesiȩ donavit legitime
l.7 dominus Erleboldus utrorumque canonicorum prepositus, ipsis eisdem canonicis communiter annu-
l.8-entibus. Cujus rei conditio talis est. Prelibata ecclesia Aquicinensis, per singulos annos, quatuordecim solidos
l.9 terminis impositis sanctȩ Mariȩ tribuet canonicis, quatuor in festivitate sancti Remigii, quinque in natali dominico,
l.10 quinque in pascha Domini. Similiter dabit tredecim solidos fratribus ȩcclesiȩ sanctȩ Crucis, quinque in festivitate Omnium
l.11 Sanctorum, quatuor in Purificatione sanctȩ Mariȩ, et quatuor in diebus rogationum. Hȩc itaque conventio
l.12 presenti sancita est cyrographo, consignata sanctȩ Mariȩ sigillo, roborata tam laicorum quam clericorum testimo-
l.13-nio. Signum archidiaconorum Johannis, Anselli. Signum personarum, Erleboldi prepositi, Erleboldi decani, Werinboldi
l.14 scolastici, Rotberti cantoris. Signum canonicorum Balduini, Haduini, Alboldi, Radulfi, Oilardi, Hugonis, Mascelini,
l.15 Herevuardi. Signum canonicorum sanctȩ Crucis, Balduini, Mascelini Albrici, Engelfridi, Anselli. Signum ministrorum, Walteri Toni-
l.16-trui, Isaac, Hugonis, Alardi. Signum scabinorum Erleboldi, Roberti, Wenieri, Aldieri. Signum Hugonis castellani, et Roberti et Johannis casatorum.
l.17 ACTUM EST HOC IN SANCTȨ MARIȨ CAPITULO ANNO PRESULATUS DOMNI ODONIS OCTAVO.
l.18 [sceau].

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 206.

GERZAGUET (Jean-Pierre), Les chartes de l'abbaye d'Anchin (1079-1201), Turnhout, 2005 (Artem), p. 131-132, n° 35.