Montauban, AD Tarn-et-Garonne, G 664

<< < / > >>

Numéro4616

Fiabilité de l'actenon suspecté

Genrecharte

Date1061(fiabilité :texte)

Lieunon identifié

DiocèseCahors

RégionMidi/Pyrénées

Supportparchemin

Chirographienon

Sceau non scellé

Etat de la traditionoriginal

Hauteur à gauche120   mm

Largeur en bas365   mm

AuteurGuillaume IV, comte  de  TOULOUSE

BénéficiaireAbbaye  de  MOISSAC

Fac-similé

Texte

6l.1 Omnibus in quorum manibus haec descriptio meȩ donationis devenerit notum sit quod ego Willelmus Tolosanus comes, cum consilio domni Fulconis, Katurcensis ecclesiȩ episcopi, et clericorum ejus, rogatus
l.2 a quodam nobili viro, Bernardo Gaucelmi, et a filiis ejus, Arnaldo abbate ac Gaucelmo, cedo jure donationis domino Deo et sanctis apostolis ejus, Petro et Paulo, ac monasteriis Cluniaco et Moysiaco necnon abbatibus
l.3 et monachis omnibus ibidem nunc et in futuro Deo famulantibus totam illam ȩcclesiam, quȩ est constructa in honore beati Petri apostoli et sanctarum Rufinȩ et Justinȩ, virginum Christi, et est sita in pago Caturcino, super ripam
l.4 Avarionis alvei, juxta castrum Chos cognominatum, tali vero tenore facio hanc meam donationem ut ab hodierno die et deinceps omnes habitatores predictorum monasterium, Cluniaci et Moysiaci,
l.5 prefatam ȩcclesiam cum omnibus ad eam pertinentibus et cum capella Sancti Martini sibi subjecta necne terris, aquis, vineis, molendinis et omnem decimationem parroechiȩ ac primicias et cimiterium, sicut actenus de me
l.6 et meis antessoribus atque de predicto Fulcone episcopo et suis precessoribus tenuerunt in fevum alii fevatores, ita teneant in alodio ipsi abbates et monachi sine ullo contradictore et possideant in perpetuum. Si quis
l.7 vero hanc meam donationem in aliquo violare sive deteriorare presumpserit, nisi per semetipsum emendaverit et satisfecerit, in primis iram Dei et omnium sanctorum ejus incurrat simulque a Romano pontifice
l.8 et omnibus catholicis, tam episcopis quam fidedibus christianis anatematizetur et excomunicetur. Facta cessio donationis hujus anno incarnationis Domini MoLXoIo, inditione undecima, regnante Philippo
l.9Francorum rege. Ut ergo haec mea donatio firma et stabilis omni tempore permaneat, ego ipse firmo et aliis subscriptis firmare rogo. Fulco episcopus firmavit. Gauzbertus archidiaconus firmavit. Ugo Capitiscole
l.10 firmavit. Bernardus Gauzcelmi firmavit. Arnaldus abbas firmavit. Gauzcelmus firmavit. Alius Bernardus Gauzcelmii firmavit. Hi omnes prescripti in manu et presentia Duranni episcopi et abbatis
l.11 firmaverunt.
l.12 Non post multum hanc ipsam donationem, sicut superius scripta habetur, Raimundus Willelmi laudavit et firmavit in presentia Hunaldi abbatis et accepit ab eo centum solidos et mulam unam per ducentos
l.13 solidos. Post obitum Raimundi Vuillelmi, Bernardus Vuillelmi, frater ejus accepit centum solidos ab Asquitino abbate et firmavit hanc ipsam donationem ita esse tenendam in perpetuum;

Responsable

M.-J. Gasse

Comment citer cette notice

Acte n°4616 dans Chartes originales antérieures à 1121 conservées en France , Cédric GIRAUD, Jean-Baptiste RENAULT et Benoît-Michel TOCK, éds., Nancy : Centre de Médiévistique Jean Schneider; éds électronique : Orléans : Institut de Recherche et d'Histoire des Textes, 2010. (Telma). En abrégé, citer : « Charte Artem/CMJS n°4616»[En ligne] http://www.cn-telma.fr/originaux/charte4616/. Date de mise à jour : 29/03/12.