Raimond Seguin et Seguin, son frère, leur mère Rengis et son mari Calvet, sur le conseil de leur seigneur le vicomte Vivien, donnent aux abbayes de Cluny et de Moissac la moitié de l'église saint Michel dans le Cahors de Lectoure, sise près de la Garonne, avec tous les biens et droits qui en dépendent. Leurs cousins Seguin et Hispaniolus de La Lande donnent l'autre moitié avec la terre de Franctad.

l.1 [chrisme] NOTUM NOBIS FACTUM EST DICENTE SCRIPTURA QUOD BONUIS EST HELEMOSINAM FACERE MAGIS QUAM
l.2 thesauros auri condere, quoniam helemosina a morte liberat et ipsa est que purgat peccata et faciet invenire vitam aeternam. His, inquam, aliisque
l.3 sanctarum scripturarum exemplis commoniti, nos omnes in commune heredes ac consanguinei, scilicet RAIMUNDUS Siguini et SIGUINUS, frater meus,
l.4 cum matre nostra RENGIS dicta et viro suo CALVET denominato, medietatem, alii vero consobrini nostri, similiter SIGUINUS de illa Landa et HISPANIOLUS frater ejus, alteram medietatem cujusdam
l.5 aecclesiȩ nostre, cum consilio VIVIANI vicecomitis, senioris nostri, et aliorum nobilium virorum, donamus et in proprium alodum concedimus domino Deo et sanctissimis apostolis ejus, PETRO et PAULO, in loco Clunia-
l.6-co et Moysiaco, dompno ASQUITINIO venerando abbati atque omnibus habitatoribus eorum abbatibus et monachis tam futuris quam presentibus. Est vero ipsa ecclesia in pago Limanie, in episcopa-
l.7-tu Lectorensi, in honore et nomine sancti Mikaelis archangeli constructa, juxta famosissimum flumen Garonnȩ sita; ipsam itaque ecclesiam cum omni suo ȩcclesiastico honore, cum deci-
l.8-mis et primiciis sive cimiteriis et oblationibus, cum omnibus ubique ad eam pertinentibus ita donamus et confirmamus tenendam et possidendam nos omnes supranominati beato Petro in eodem
l.9 monasterio Moysiaco atque omnibus inibi Deo servientibus tam futuris quam presentibus, sicut supradictum est, ut habeant et possideant imperpetum alodum omni tempore. Si quis autem
l.10 hunc nostre cessionis donum in aliquo violare vel minuere temptaverit, in primis, quod orrendum est, iram Dei viventis incurrat atque cum filiis Chorȩ, et Datan et Abiran, adhuc viventem eum terra
l.11 absorbeat et degluciat, et qui melior nostrȩ generationis extiterit ipsam donationem stabilem ac firmam beato Petro permanere faciat omni tempore ut dignus sit nostra heredi-
l.12-tate et particeps maneat eternȩ hereditatis in Christo Jesu Domino nostro. Facta est donatio ista, cum consilio dompni Petri Lectorensis episcopi [croix], anno dominicȩ Incarnationis MoCoIIIo, indi-
l.13-cione XI, mense octobris, feria IIII, dompno Paschali II apostolicȩ sedis antistite, Francorum rege Philippo regnante.
l.14 Testes et confirmatores qui hȩc omnia sua presentia corroboraverunt super altare beati Petri ac firmaverunt in manibus et presentia supradicti abbatis dompni Asquitinii,
l.15 Willelmi prioris et Heliȩ sacristȩ, cujus studio et industria hȩc omnia peracta sunt. Raimundus et frater ejus Siguinus, cum consilio Calvet et Rengis ita tenendum firmaverunt.
l.16 Siguinus de illa Landa et Hispaniolus frater ejus, cum consilio Willelmi et filii ejus, Siguini de Osma similiter laudaverunt et firmaverunt. Signum RAIMUNDI WILLELMI de Moysiaco.
l.17 Signum CALVET de Favols. S. PETRI de Carcers. S. STEPHANI Gilaran.
l.18 Siguinus etiam suprascriptus de illa Landa reddidit et reliquit sancto Petro et habitatoribus ejus omnibus in confinio ipsius parrochiȩ: id est inter Fossa Samazol et honorem
l.19 Sancti Nicholai partem terrȩ quam lingua eorum Franctad appellant. Ipsam enim interpellabant monachi Moysiacenses cum maxima parte ipsius terrȩ et ideo
l.20 reddidit eam, sicut dictum est, cum consilio et attestatione omnium supradictorum testium, ut teneant et possideant ipsi monachi ut proprium alodum
l.21 omni tempore, quamdiu celum imminet terrae.