Raimond Bernard de Gandalou donne à Saint-Pierre de Moissac la terre d'Escatalens que son père avait reçue en gage d'Hugues sacriste moyennant un cheval et il reçoit pour ce don un très bon cheval de 60 sous de Richard obédiencier de Moissac.

l.1 Haec est carta descriptionis quam mandavit facere Raimundus Bernardus de Guandalor de illa terra de Scatalingis, quam pater ejus Bernardus Raino habuit in pignus de Ugone, sacrista
l.2 de Moysiaco, pro uno equo. Est itaque terra ista infra terminos de Scatalingis, in parrochia Sancti Juliani, subtus in loco ubi decurrit Naudela. Illam terram totam ab integro, sicut habebat
l.3 et tenebat ipse Raimundus Bernardus vel alii homines per eum, scilicet ex utraque parte supradicte Naudele, ita reddidit et dimisit sancto Petro apostolo in monasterio Moysiaco, in manibus
l.4 et potestate venerandi abbatis Asquitini, Willelmi prioris et Ricardi ipsius onoris obedientiarii, ut teneant et possideant, sicut facere debent, in proprium alodum ipsi et successores eorum, quam diu cȩlum imminet terrȩ.
l.5 Accepit quoque jamdictus Raimundus ab ipso Ricardo propter hoc equum obtimum precio LX solidorum, et ita tenendum laudavit et firmavit in perpetuum. Factum est hoc publice Moysiaco, in vincula
l.6 sancti Petri, cum consilio domni Arnaldi, Exiensis abbatis, et Raimundi Willelmi vicarii, in presentia multorum testium, anno dominice Incarnationis MoCoVo regnante Philippo rege Francorum.
l.7 Firmavit etiam sepedictus Raimundus Bernardus per ipsum, Raimundum Guillelmum ut fratri suo Willelmo Bernardo ita tenere faciat, qui tunc in via Iherosolimorum erat, si inde redierit.