Artmanus et Adhémar, vicomtes, sur le conseil de Géraud évêque de Cahors donnent aux abbayes de Cluny et de Moissac un emplacement sous le château de Bruniquel en Quercy, entre la Vère et l'Aveyron, pour y édifier un monastère. Ils donnent aussi leur mas de Monte Argillo avec ses revenus. De plus ils s'engagent à ne revendiquer aucun droit de justice, de vicaria et a n'exercer aucune violence dans lesdits domaines. Enfin ils exhortent ceux qui tiennent d'eux des terres dans cette région à en faire don aux moines et ils approuvent d'avance des donations.

l.1 [chrisme] Legibus instructi divinis atque aecclesiastice sanccionis roborati exemplis credimus et confitemur impietates atque delicta humanis excessibus commissa elemosinarum largitate
l.2 simulque bonorum operum assiduitate per Dei disposicionem posse redimi atque mundari, ipsa veritate quȩ Deus est atestante qui ait: Date elemosinam et omnia munda sunt
l.3 vobis, et iterum scriptura: Fili, inquit, bene fac semper et Deo dignas oblationes offer, memor esto quoniam mors non tardat et testamentum infererorum manifestabitur tibi. His etiam aliorumque
l.4 divinorum eloquiorum ammonicionibus provocati nos, videlicet Artmannus et Ademarus, vicecomites cognominati, auxiliante Domino, providemus atque disponimus pro omnibus peccatis
l.5 nostris ex facultatibus propriis noviter monasterium construere ad honorem ipsius omnipotentis Dei et memoriam beatissimorum, Petri et Pauli apostolorum principum, quibus a Domino collata est
l.6-ta est potestas ligandi atque solvendi, procul dubio pro defensione et melioratione nostrorum tam corporum quam animarum simulque pro remedio animarum parentum nostrorum atque omnium tam virorum quam defunctorum fidelium.
l.7 Igitur, instuitu et consilio multorum nobilissimorum virorum, nos prenominati vicecomites, Ademarus scilicet atque Artmannus concedimus atque donamus jure perpetuae cessionis domino Deo, sanctȩ scilicet et individuae Trinitati sanctissimisque ejus apostolis, Petro et Paulo,
l.8 in locis ipsorum Cluniaco atque, Moysiaco, simulque abbatibus venerandis, domno Hugoni et domno Hunaldo, et omnibus eorum successoribus abbatibus, et monachis in supradictis locis Deo in perpetuum servientibus locum ad hoc preȩlectum atque constitutum. Et est locus
l.9 ipse in Caturcensi pago, in territorio subtus ipsum Brinichildum castrum, inter flumina Vere et Avarionis; ipsum locum cum huniversis apendiciis et adjacentiis suis, quicquid ibi vel alias ad hoc opus designavimus et donavimus vel adhuc daturi sumus et quodcumque
l.10 ipsius loci habitatores cum Dei auxilio inibi adquirere potuerint, ut ita teneant et possideant cenobiorum supradictorum Cluniacensis et Moysiacensis habitatores in proprio alode, jure perpetuo. Damus etiam sub legali descripto et firma corroboratione
l.11 illum mansum nostrum, dictum de Monte Argillo, in dominicatura propria, cum omnibus finibus suis, ingressibus et egressibus, in proprio alodio possidendum, hec autem omnia cum huniversis reditibus suis, quantum a nobis demonstratum est vel quantum in futuro, Deo annuente, adquisitum ibi
l.12 fuerit, scilicet in terris, vineis, aquis, silvis, pratis, cultis sive incultis, totum ab integro cum ingressibus et egresibus suis ita concedimus et donamus firma et stabili cessione supradictorum monasteriorum habitatoribus, absque ulla omnino retentatione,
l.13 ut ita habeant, teneant et possideant fideliter per cuncta succedentia tempora, tali quoque conditione ut neque nos neque ullus umquam homo nostrȩ vel alicujus generationis potestatem aliquam in supradictis honoribus requirat neque justiciam neque vicariam
l.14 aut aliquam violentiam inferre presumat ipsius loci habitatoribus, quamtum infra ipsos terminos designatum est, sed libera atque quieta hec omnia supradicta servis Dei in eternum permaneant. Laudamus etiam et donamus ut, quicumque de beneficiis et de
l.15 fevis, quȩ de nobis tenent, aliquid dare voluerint, habitatores ejusdem loci in perpetuum teneant et possideant.
l.16 Volumus etiam atque rogamus de hiis omnibus privilegium fieri a domno papa Romane aecclesie ut firma et stabilis hec nostra helemosina semper permaneat; quam si quis violare presumserit vel aliquo modo invadere temptaverit,
l.17 sentiat se esse damnandum et nunc et in perpetuum. Hec autem facta sunt cum consilio et auctoritate domni Geraldi, Caturcenȩ aecclesiȩ pontificis, anno scilicet dominicȩ Incarnationis millesimo LXXXIII, regnante Filippo
l.18 rege Francorum, domno Gregorio VIImo pontificatum Romanȩ aecclesiȩ tenente anno decimo, mense septembrio, feria III, id est nonas ipsius mensis, LUNA XVIIII, indicione VI, hera millesima Cma XXma Ima.
l.19 S. Artmanni et Ademari vicecomitum. S. Raimundi Amelii. S. Pontii Matfredi. S. Raterii. S. Matfredi Amelii. S. Amelii Fustini. S. Bernardi filii sui et Ugoni fratri sui. S. Arnaldi de Nairiaco et filiorum ejus. S. Petri Stefani et fratrum ejus. S. Bernardi Ugoni.

A la fin de la l. 15, petits caractères : "abcd".