Notice, rédigée sur l'ordre de l'évêque de Cambrai Fulbert, et de son vassal Renier, rapportant qu'au cours d'une assemblée judiciaire il a été mis fin à une tentative dudit Renier d'asservir une famille de tributaires dans un domaine qu'il tenait en bénéfice de l'évêque.

l.1 [chrisme] NOTITIA QUALITER RAINERUS TUNC TEM[PORIS] VASALLUS DOMNI FULBERTI EPISCOPI CAMARACENSIS ECCLESIE, cum haberet in benefitio villam quȩ dicitur [...]curte, voluit ibi inservire quandam feminam nomine Oreviam cum infantibus suis, quorum hȩc sunt nomina: Gotlandus, Gervuinus, Ivoria, Volemia, Plectrudis, ut mansos deservirent. Qui cum id rennuissent et eis sepius modo blandiendo, modo minitando preciperentur, Camaraco petentes, prospati sunt vestigia domni presulis, reclamantes contra ius nativum indebite servitutis pondus sibi velle inponi et ab ipso episcopo iuste debere subveniri. Itaque iam praedictus domnus episcopus, suos convocans fideles cum clericos honestate praeclaros et laicos nobilitate sublimes, tam etiam devotos sua potestatis vernaculos, diligenter inquisivit huius reclamationis veritatem. Sicque veraciter adque stabiliter ab omnibus inventum est plus per legem et debitam iustitiam plus per legem supradictas feminas matrem scilicet et filiabus suis unaquaque earum ad supradictam villam dare de suo capite denarios II et filii earum IIIIor quam illud servitium facere quod a supradicto seniori eis inponebatur. Et hoc sub iur[e]jurando iuravit mater eorum eiusque sequaces subsecuti sunt quorum hȩc sunt nomina: Siefridus, Ernaldus, Gislehardus, Oilmannus, Gerbertus, Heribertus. Et ud huius rei veritas lucida adque indubitata sciatur, iussa est a domno ȩpiscopo necnon et a fideli suo Rainero haec fieri notitia. Factaque est Camaraco V kalendas maias, indictione XIIII, anno ab incarnatione Domini DCCCCXLI, anno scilicet VIII domno Fulberto episcopo, regnante etiam Ottonis regis VI. Signum domni Fulberti qui hanc notitiam scribi vel firmari iussit. Signum Raineri senioris ejusdem potestatis. Signum H[e]rberti advocati. [colonne1] Signum Gilbaldi archidiaconi. Signum Johannis archipresbiteri. Signum Gerrici vicedomni. [colonne2] [Signum]Helg[au]di. Signum [O]ilardi. Signum U[ue]r[e]nfredi. Signum Gera[rd]i. [colonne3] Signum Vuinodi majoris. Signum Israhelis.