Hugues, comte de Troyes, renonce, en faveur du chapitre Saint-Loup de Troyes, aux droits qu'il avait sur le village de Rouilly.

l.1 IN NOMINE SANCTE ET INDIVIDUE TRINITATIS, ego Hugo, Dei gratia comes Trecasinus, cum Philippo fratre meo Catalaunen-
l.2-sium episcopo et cum uxore mea, notum volo fieri omnibus Christi famulis presentibus eorumque successoribus patrem meum videlicet
l.3 Teobaudum comitem ob remedium anime suȩ et uxoris necnon et filiorum suorum sanctȩ Dei genitrici virgini MaRiȨ
l.4 et sancto LuPo confessori atque canonicis ipsi famulantibus perdonasse omnes consuetudines villȩ que vocatur Rulliaca
l.5 omniumque menbrorum ei adjacentium, quas ministri ipsius juste vel injuste solebant in eadem villa supradicta et
l.6 in menbris ejus accipere, excepto salvamento et gallina presentialiter uno denario empta. Quod actum
l.7 est eo tenore ut in secunda et sexta feria a canonicis Sancti Lupi, in ecclesia ipsius pro remedio animȩ
l.8 suȩ, et uxoris, atque filiorum suorum, missa cȩlebretur omni tempore, et eo etiam tenore, ut omni anno in
l.9 festivitate sancti Andreȩ, unusquisque villanus qui assidue in predicta villa manebit habens unum bovem
l.10 aut plures arantes, comiti Trecasino unam fresingam ut ita dicam aut duos solidos persolvat. Extra autem
l.11 potestatem si qui manserint, et boves non habuerint, unam fresingam aut predictum precium inter duos persolvant. Hoc
l.12 autem ita constitutum est ut nullus comitis minister predictam villam et menbra ejus adeat ad aliquid capiendum nec
l.13 justificandum, aut judicandum, exceptis illis qui gallinam et salvamentum sicut predictum est accipient. Nec etiam quisquam
l.14 ipsius minister in tota potestate illa aliquid accipiat, nec justitiam aliquam in ea faciat. Idem vero ego HUGO comes
l.15 Trecasinus et frater meus Philippus Catalaunensis episcopus atque uxor mea approbamus et ne qua ambiguitas, nec contentio
l.16 de consuetudinibus perdonatis ulterius oriatur, sic ipsas distingui precipimus. Omnes liberos homines et liberas fe-
l.17-minas et quicumque vel quecumque ex aliis locis in villam supradictam, et in menbra ejus causa morandi venerint atque consue-
l.18-tudines eorum quas ministri nostrorum patrum nostri etiam solebant accipere, sive juste, sive injuste, in villa dicta Rulliaca
l.19 et in menbris ipsi adjacentibus, omnino sive acciperentur in locis silvestribus, sive in campestribus, sive in aquis,
l.20 sive in pratis, sive in servis, sive in ancillis, sive in liberis ibi manentibus vel cum prius ibi mansissent inde alio
l.21 recedentibus omnino in qua ego HUGO, comes Trecasinus, et frater meus Philippus, Catalaunensis episcopus, et uxor mea perdo-
l.22-namus sanctȩ Dei genitrici MaRiȨ, et sancto LuPo, et canonicis ipsius excepta gallina presentialiter uno denario empta
l.23 et excepto salvamento et fresinga vel precio ipsius solidis scilicet duobus. Si quis autem hoc statutum infregerit, sit
l.24 maledictus et ab omni consortio Christianorum submotus, sicut Dathan et Abiron, quos terra deglutivit.
l.25 Signum comitis Hugonis [croix]. Signum Philippi, episcopi Catalaunensis civitatis [croix]. Signum comitisse Constantiȩ [croix]. Hii sunt testes istius cartȩ. [colonne1] Servientes Sancti Lupi: Petrus, Radulfus. [colonne2] De servientibus comitis: Ingelmarus prepositus, Grimaldus vicecomitis prepositus, Lambertus, Gislebertus et Lebaldus negotiatores, Walo filius Fromundi Clari, Hugo pincerna, Rainaldus [...?...], G[...]lebertus filius Ingelmeri prepositi, Wineb[...]s filius Radulfi, B[....]arus filius Dom[....]ii, David mariscavus comitis, Wandenbertus et Wiscelinus frater ejus, Leudardus. [colonne3] Ingelrannus, episcopus Laudunensis. Philippus, Trecensis episcopus. Girardus, Sancti Petri archidiaconus et Sancti Lupi prepositus. Petrus, archidiaconus. Goscelmus, archidiaconus. Odo, cantor Sancti Petri. Drogo, magister. Odo, cantor Sancti Lupi. Galterius, camber[.....] Sancti Lupi. Galterius [.....]nesius. Galcerus P[...]ulio. T[eodericus], canonicus. Teobaldus, Sancti Lupi canonicus. Hugo [.....], Sancti Petri cantor. [colonne4] De laicis: Milo, comes Barri. Pontius de Ponto. Hugo de Paenciis. Dudo de Mareiolo. Berengarus de Romeiolo. Gaufridus, dapifer et Otrannus, ejus filius. Gosbertus de Villa Mortis. Dudo, filius Havini. Hugo, filius Goslini. Hugo, filius Goslini. Bovo, filius Baldrici. Milo parvus. Hilduinus, miles de curia.
l.26 [sceau].