Thibaud, seigneur de Dampierre, a donné l'église Saint-Pierre de Dampierre à l'abbaye de Marmoutier. Après sa mort, sa femme Elisabeth et son fils Gui cèdent aux moines un four et ceux-ci leur rendent six boeufs que Thibaud leur avait laissés en mourant.

l.1 Pax filiis ȩcclesiȩ cunctis. Jocundus erit homo qui miseretur et commodat, disponit sermones suos in judicio et in ȩternum
l.2 non timebit ab auditione mala, scilicet in die extremi judicii reprobis cunctis reservata. Cujus versiculi sententiam
l.3 attendens et si non specie, tamen opere Teobaldus, castelli Domni Petri dominus, ecclesiam Sancti Petri quam terreno jure possederat
l.4 illic, donavit monachis Sancti Martini Majoris Monasterii, et quoniam ipsius ȩcclesiȩ cura ad episcopalem ȩcclesiam, ut dignum est, spectat
l.5 inter monachos et dominum ac venerabilem episcopum Philipum facta est diffinitio ista, scilicet capellanus a monachis electus et ȩcclesiȩ
l.6 impositus de officio suo tantum obediens erit pontifici, de terreno autem beneficio vel exactione subjectus per omnia monachis.
l.7 Si vero, quod absit, inter se dissenserint et monachi eum juxta quidem causa de ȩcclesia ejecerint, si se utique pregravatum senserit jam au-
l.8-dientiam episcopi adire licebit, in cujus judicio omnis utrorumque controversia discussa atque terminata erit. Factum est autem et con-
l.9-firmatum Trecis, XV kalendas januarii, in ecclesia Sancti Petri, residente predicto venerando episcopo Philippo in concilio suo, astante venerando collegio abbatum monachorum clericorum, sicut in plenaria sinodo.
l.10 Tempore Philippi Francorum regna tenentis, dum Philippus erat Trecensis episcopus urbis, Elisabeth uxor domni Theobaldi de Domno
l.11 Petro et Wido filius eorum monachis Sancti Martinis Majoris Monasterii pro anima predicti Teobaldi furnum quem habebant in eodem
l.12 castro dederunt. Quod donum ita devote firmaverunt ut nec Elisabeth, nec filii vel filiȩ ejus immo nullus alium furnum
l.13 faceret vel haberet nisi monachum tantum. Unde factum est ut monachi sex fortissimos boves quos domnus Teobaldus moriens
l.14 eis dederat dominȩ Elisabeth reddiderunt. Quod videntes audierunt ex parte monachorum : Willelmus prior de Ramerudo,
l.15 Herbertus prior de Domno Petro, Hugo monacus, Teodoricus, Gisbertus. Ex parte Elisabeth : Franco, Odricus frater ejus, Guitbertus, Garnerius puer,
l.16 Gotbertus, Dot de Capa, Garnerius de Meiso et filius ejus Stephanus, Hernulphus prepositus, filii Geroini, Teobaldus, Warinus, Warnerius, Paganus, Teoinus
l.17 pretor, Teoinus sutor, Martinus portarius, Bernardus Cocus, Paganus de Calciata, Radulfus Erenburgis filius, Landricus, Bernardus.