Donation à l'abbaye de Saint-Ouen par une certaine Enna de biens sis à Epinay, Franqueville, Saint-Aubin, Crosville, etc., avec le consentement du duc de Normandie Richard II qui y ajoute le domaine du Meslay.

l.1 IN EXORDIO NASCENTIS AECCLESIE, PER OMNEM TERRAM DOCUMENTIS SANCTORUM APOSTOLORUM DIFFUSAE, PROTINUS VIRI FUERE RELIGIOSI, QUI IN TERRA VIVENTIUM PORTIONEM
l.2 optinere desiderantes, Dei ȩcclesiam de propriis honorare possessionibus, et exaltare nisi sunt; unde a Christo aeterna meruerunt recipere premia. Hoc autem sollicita pervigilique mente meditans, ego ENNA Christi famula,
l.3 sanctarumque scripturarum documentis a fidelibus edocta, post conjugis mei obitum, quoniam prole quȩ mihi mortuȩ valuisset succedere carebam, commodum duxi Deum fieri heredem qui me terrena non solum
l.4 felicitate verum etiam sua gratuita pietate, immortalitatis ditaverat decore. Sed pro me quoniam minime valebat hoc peragi, domini mei Ricardi illustrissimi comitis presentiam adii, genitricis ejus videlicet
l.5 Gonnoridis adjuta presidiis, quem suppliciter diu deprecans, ut desiderii mei votum perageret, tandem sine cunctatione mihi satisfecit, annuendo et tribuendo sanctis Petro apostolo Dei atque confessori ejus Audoeno,
l.6 non tantum alodos meos, sed etiam villam quȩ dicitur Meslet, quam de beneficio ejus tenebam. Hȩ sunt igitur res meȩ proprietatis, quas predictis sanctis me orante predictus comes Ricardus, concessit atque dedit,
l.7 videlicet duas partes illius villȩ quȩ Spinetum vocatur, et quartam partem villȩ quȩ noncupatur Francavilla cum parte silvȩ sibi proximȩ. Apud Sanctum Albinum quintam partem
l.8 altaris, et in eodem loco duas partes molendini. Preterea Croc villam cum ecclesia et molendino, apud quoque villam quȩ dicitur Caisnetum, duas mansiones, deinde apud villam quȩ nuncupatur
l.9 Grandis Francavilla, unam mansuram ; et iterum apud Catevillam alteram mansuram, aliam similiter mansuram apud Maneholt villam. Post hȩc apud villam quȩ dicitur Falc,
l.10 unam mansuram, et apud Petvillam duos acros, de beneficio suo, villam quȩ Meslet dicitur. In comitatu Oismacensi, tantum Constantii villam
l.11 S. Ricardi comitis [croix]. Rotberti archiepiscopi [croix]. S. Gonnordis comitisse [croix]. S. Ricardi juvenis [croix]. S. Hugonis Baiocensis episcopis [croix]. S. Nigelli vicecomitis [croix]. S. Gotscelini vicecomitis [croix]. S. Ricardi vicecomitis [croix]. S. Osberni dapiferi.
l.12 Haec autem omnia pretitulata, pro animae suae remedio, et pro conjugis mei, atque meȩ animȩ absolutione, prefatus comes Ricardus me humiliter orante, Sanctorum Petri apostoli Dei et gloriosi
l.13 confessoris ejus Audoeni monachis dedit, ea scilicet conditione ut tam presentes quam futuri monachi memoriam nostri jugiter habeant in orationibus suis.