Rathier donne aux moines de Marmoutier l'alleu de Saint-Pellerin.

l.1 Quisquis amore divinȩ retributionis accensus, post seculi hujus laborem
l.2 ȩterna quiete desiderat consolari, necessarium ei est, ut dum valet per presentis
l.3 vitȩ tempus ad peccatorum redemptionem indultum, fideli studio gratia Dei cooperante
l.4 provehi ad sanctȩ operationis incrementa contendat, quatinus quicquid aut iniquȩ
l.5 vitȩ fastu aut inertia contraxit inbecillitatis humanȩ, et piȩ conver-
l.6-sationis operibus et sanctorum precibus abbuatur. Unde ego Raherius seculari
l.7 militiȩ deditus, reminiscens meorum multitudinem peccatorum, et juditii diem
l.8 admodum expavescens, pro redemptione animȩ patris mei Ratherii, Frohelinȩque
l.9 matris meȩ, ac meȩ, concedo Deo et Sancto Martino Majoris Monasterii aliquid
l.10 de rebus meis, quod mihi ab ipso genitore meo dimissum est, unum videlicet
l.11 alodem in territorio Dunensi situm, qui appellatur Sanctus Peregrinus, alterum vero
l.12 in pago Carnotino qui appellatur Umblerias, cum pratis, vineis, terris
l.13 cultis et incultis, servis et ancillis, qui in ipsis locis commorantur,
l.14 vel ad ea loca pertinent. Furnile quoque meum, quod de Carnotensi episcopo in
l.15 ejusdem civitatis suburbio ad censum tenere videor, similiter concedo.
l.16 Et meas dominicas vineas, quas de canonicis Sanctȩ Mariȩ ad censum teneo,
l.17 cum domo et torculari eodem modo tribuo. Alodem autem meum
l.18 qui appellatur Matersenta jam dedi Sancto Martino investitura. Hoc
l.19 vero feci favente domino meo Theotbaldo comite, assensuque sororum mearum
l.20 Milesindis scilicet, ac Rainsoindis, et Adelaidis, tali convenientia,
l.21 ut post meum a seculo discessum, nisi superstitem de legitima conjuge
l.22 habuero filium, in Sancti Martini veniat dominium. Volo ergo atque
l.23 precipio, ut si aliquis de propinquis meis, aut per se, seu per intromissam personam,
l.24 contra hanc donationem quam libera mente, et propria voluntate facio,
l.25 aliquam calumniam monachis inferre voluerit, centum cocti auri libras
l.26 exolvat, et quod petit non vindicet, sed donatio firma permaneat.
l.27 Et ut calumniandȩ traditionis hujus omnis auferatur occasio, ego Raherius
l.28 scriptum hoc in curiam domini mei Theotbaldi comitis optuli, ac manibus ejus
l.29 suorumque fidelium corroborandum tradidi, his videntibus et audientibus,
l.30 quorum nomina pro testimonio inferius habentur scripta. [colonne1] S. domni Raherii. S. Milesendis sororis ejus. S. Rainsoindis sororis ejus. S. Adeladis sororis ejus. S. Teodebaldi comitis. [colonne2] S. Ermengardis comitisse. S. Gilduini de Bretulio. S. Harduini vicecomitis. S. Ebrardi militis. S. Hervei vicecomitis. [colonne3] S. Odonis. S. Hugonis de Cappis. S. Rainaldi filii Burcardi. S. Genzonis canonici.
l.31 ANNO AB INCARNATIONE DOMINI MILLESIMO XXXVIIII,
l.32 INDICTIONE septima.

1