Accord entre le chapitre Notre-Dame de Salles, à Bourges, et l'abbaye de Molesmes, au sujet de la possession des terres de Marcenay et de Bissey-la-Pierre.

l.1 [croix] In nomine sancte et individuȩ Trinitatis, Patris et Filii et Spiritus sancti. Quoniam priscȩ auctoritatis consuetudo est ab antiquis antecessoribus instituta ut dona vel largitiones quȩ sanctȩ ȩcclesiȩ
l.2 conferuntur sive etiam conventiones quȩ inter fideles quosque habentur, litterarum apicibus corroborentur; idcirco nos, id est conventus Sanctȩ MARIȨ de Salis conventionem quandam inter nos et
l.3 Molismenses monachos habitam voluimus litteris annotare, ut succedenti tempore inconvulsa inviolataque ad posterorum memoriam valeat diutius perdurare. Notum ergo sit cunctis Christi
l.4 fidelibus fideique cultoribus quod Hugo tunc dux Burgundiȩ strenuissimus, postea vero Cluniacensis monachus, itemque Odo frater pariterque successor ejus laudantibus filiis suis Hugone et Henrico,
l.5 concesserunt sanctȩ Mariȩ et ȩcclesiȩ Molismensi, in vita sua, partem cujusdam possessionis quȩ Marcennacus vocatur, quȩque juris Sanctȩ Mariȩ de Salis quondam fuisse dinoscitur, post suum vero de hac
l.6 vita decessum, quicquid in hac possessione in suo dominicatu possidere videbantur. Sed quia ipsam terram juris Sanctȩ Mariȩ Bituricensis, ut diximus certum est fuisse, et ab una ȩcclesia alteram
l.7 gravari nefarium est, ideo domnus Rotbertus, primus Molismensis cenobii post Deum fundator et rector, assensu fratrum suorum nil injuste possidere querentium, Bituricam adiit civitatem, et
l.8 a predictȩ ȩcclesiȩ priore Giraudo nomine, et canonicis hujuscȩ terrȩ in communi eorum capitulo requisivit concessionem, deferens secum litteras Rotberti episcopi Linguonensis pro eadem re
l.9 humiliter supplicantis. Cujus petitioni prefati loci prior cȩterique canonici voluntarie condescendentes, et Molismensis ȩcclesiȩ paupertati pie compatientes, et etiam de amissȩ terrȩ
l.10 recuperatione congaudentes, pari voto communique consensu ipsam terram de Marcennaco et de Bisseiaco, quicquid prefati monachi de ea habebant vel adquirere potuerint, Molismensi
l.11 ȩcclesiȩ gratanter laudaverint, ut jure perpetuo eam possideat, tali videlicet conventione, ut per singulos annos suȩ ȩcclesiȩ censum, XX scilicet solidos Bituricenses persolvat, mittendo eos per suum
l.12 nuntium a capite jejunii usque ad octabas Paschȩ presentandos in capitulo inconspectu fratrum. Quod si contigerit ut his qui hanc pecuniam delaturus est, aliquo incommodo competenti termino non
l.13 occurrerit, vel ipsum censum aliquo modo perdiderit, infra XL dies, quo Molismenses monachi hoc resciverint, prefato modo censum reddent ex integro. Nuntius autem ipse habebit
l.14 sumptus necessarios sibi et suis ȩquitationibus de communitate canonicorum. Si autem de ipsa terra placitum aut calumpnia Molismensi ȩcclesiȩ supervenerit, quibus prefatos clericos
l.15 interesse pro aliqua dissertione necessarium fuerit monachorum sumptu et ȩquitatura pro causa ipsa defendenda illuc eos ire in eadem est conventione. Igitur ut hȩc pactio sive con-
l.16-ventio rata et firma ab utraque ȩcclesia perpetuo fideliter teneretur, ampliorque caritas inter eos deinceps firmaretur, dederunt sibi mutuo utriusque ȩcclesiȩ fratres suam societatem, talemque firmaverunt
l.17 communitatem, ut suorum spiritualium beneficiorum tam vivi quam defuncti pariter effecerentur confratres. Et si quis clericorum monachus esse voluerit, gratis suscipiatur, et, si sanus supervenerit,
l.18 benigne ei necessaria subministrentur. Si vero quilibet clericorum pro aliqua sibi facta injuria vel qualibet guerra in sua canonica permanere non potuerit, et Molismum petere voluerit,
l.19 honorifice a fratribus suscipietur, et, quanto tempore necesse fuerit, retinebitur, si tamen ȩcclesiȩ suȩ litteras commendatitias detulerit.
l.20 Hoc autem nos omnes prefatȩ ȩcclesiȩ canonici volumus notum fieri omnibus quod Hugonem et Odonem duces et predecessores vel heredes eorum, qui hanc terram aliquando injuste tenuerunt, postea
l.21 autem nobis vel Molismensi ȩcclesiȩ reddiderunt, quantum possumus et scimus, absolvimus, et, ut ab ista culpa purgentur, fideliter obtamus, sicut expedit eos, qui culpam suam cognoscunt et emendant.
l.22 Illos autem qui adhuc eam injuste tenent, nisi resipuerint et recognoverint, in culpa excommunicationis relinquimus, secundum scita canonum et auctoritatem sanctȩ ȩcclesiȩ. Ideo autem hanc
l.23 cartulam per cirogaphum incisam judicavimus, in duas partes dividi, et tam archiepiscopi Bituricensis Leodegarii quam Linguonensis episcopi Rotberti sigillo signari, quatinus, si Molismensis
l.24 ȩcclesia ȩcclesiȩ de Salis aliquam injuriam de censu suo fecerit, per Linguonensem episcopum corrigatur, similiter, si quid canonici contra Molismenses de hac re deliquerint, per Bituricensem
l.25 archiepiscopum emendetur. Hujus ergo conventionis fuerunt auctores et laudatores canonici Sanctȩ Mariȩ de Salis, domnus quoque Rotbertus primus abbas Molismensis cum suis fratribus,
l.26 quorum nomina subscripsimus: Hato de Riciaco, Rotbertus de Platenato, item Rotbertus de Sparnaco. Nomina canonicorum sunt hȩc: Giraudus prior, Gaufridus de Sancto Laurentio,
l.27 item Gaufridus de Herbeone, Johannes presbiter, Ilderius sacerdos Otrannus, Franco, Petrus Cenomannensis, Paganus. Ex utraque parte fuerunt canonici Sancti Stephani medii et testes:
l.28 Araudus de Briora, Arnustus Bulcardus, Gimo de Porta, Mainardus capellanus, Petrus Ajacenis. Nomina quoque monachorum Molismensium qui hoc fieri decreverunt vel
l.29 factum laudaverunt sunt hȩc: Hato prior, Girbaudus subprior, Gauterius cantor, Lecelinus camerarius, Hugo secretarius. Facta sunt hȩc apud Bituricas, VII idus julii,
l.30 anno ab incarnatione Domini millesimo CII, indictione Xma, epacta nulla, concurrente IIo, prȩsidente Romanȩ sedi apostolicȩ domino papa Paschali, apud Bituricas Leodegario
l.31 archiepiscopo, Linguonensem ȩcclesiam regente Rotberto episcopo, in Frantia regnante Philippo rege et filio ejus Ludovico, Hatone dictante, Francone scribente.
l.32 [sceau] per omnia autem imperante domino nostro Jhesu Christo. CIROGRAPHUM [croix].

LAURENT (J.), Cartulaires de Molesmes, ancien diocèse de Langres (916-1250). Recueil de documents sur le Nord de la Bourgogne et le Midi de la Champagne, 2 vol., Paris, 1907-1911 (Collection de documents publiés avec le concours des Antiquités de la Côte-d'Or, 1), t. 2, p. 15-17, n° 9.

GANDILHON (Alfred), Catalogue des actes des archevêques de Bourges antérieurs à l'an 1200, Paris, 1927, p. 42-43, n° 68.