Adèle, veuve d'Étienne, comte de Sancerre, restitue la coutume du pain du château de Sancerre à l'abbaye Saint-Satur et lui donne une foire.

l.1 Dare beneficium graciȩ est, ablata vero restituere, justiciȩ. Subsistit in his
l.2 vitȩ perfectio christianȩ, quorum alterum corrigit injuriam, prosequitur alterum
l.3 benignitatem. Quod ego Adila Stephani magisterio rationis edocta
l.4 simulque meorum mole perterrita delictorum, ecclesiam Sancti Satiri sublima-
l.5-re et honorare decrevi, ablata restituendo, propria largiendo, libertatem
l.6 roborando. In dedicatione igitur prefatȩ ecclesiȩ anno MoCoIIIIo, indictione XII,
l.7 epacta III, idus novembris, a Leodegario Bituricensi archiepiscopo celebrata,
l.8 consuetudinem panis Gordonici castri quȩ tamen antiquitus ejusdem
l.9 fuerat ecclesiȩ, beato Satiro ea ratione contuli, ut post mortem Roberti
l.10 cui eam dederam, in proprietatem eclesie libera rediret, eamque interim a prefata tene-
l.11-ret et recognosceret eclesia, simulque pro ea hominagium abbati faceret, debitum
l.12 servicium solveret, ablata deinceps ipsius Roberti successoribus suis omni
l.13 reclamandi facultate. Preterea feriam in anniversario dedicationis
l.14 constitutam, et omnes feriȩ redditus, beato Satiro tribui, ita scilicet ut
l.15 nulli clientium comitis, nulli penitus alii personȩ, nisi illi quam canonici prepone-
l.16-rent in prefata feria, vel in hominibus ad feriam venientibus, dominium vel justi-
l.17-ciam exercere liceret. Eandem quoque libertatem quam tempore Tebaldi comitis
l.18 prefata habuerat ecclesia, deinceps habendam concessi et firmavi. Ut autem
l.19 hȩc omnia pro salute quoque animȩ comitis Stephani mariti mei pretaxatȩ
l.20 collata eclesiȩ libera remanerent, et absque calomnia cujuslibet personȩ proprietas
l.21 fierent, filii mei Willelmus et Tebaldus, et Agnes uxor Willelmi, non solum meam
l.22 concessere donationem, sed ipsi quoque eam mecum fecerunt. Sub testimonio Leodega-
l.23-rii Bituricensis archiepiscopi et Aldeberti Cenomannensis episcopi.
l.24 [croix][croix].
l.25 [croix][croix].