Le pape Pascal II confirme à l'abbaye Saint-Satur de Sancerre la terre de Mesves, longtemps contestée par Renaud, chevalier de la Marche, et sa famille.

l.1 PASCHALIS, EPISCOPUS, SERVUS SERVORUM DEI, DILECTO FILIO GUILIELMO, ABBATI SANCTI SATYRI, SALUTEM ET APOSTOLICAM BENEDICTIONEM.
l.2 Divinis preceptis et apostolicis informamur exemplis ut pro omnium ecclesiarum statu impigro vigilemus affectu. Eapropter ab
l.3 ecclesia Sancti Satyri quam tuo regimini per Dei gratiam novimus esse commissam, eas quas diu passa est, prestante Domino, removere
l.4 curamus injurias. Terram siquidem Mevȩ quam Mattildis venerabilis femina loci vestri fundatrix Beato Satyro pro sua de-
l.5-votione obtulerat, Rainaldus miles de Marca seculari violentia occupavit, qui urgente tandem egritudine
l.6 ductus ad mortem, domnum Girardum priorem monasterii de Caritate visitationis et penitentiȩ gratia evocavit, a quo
l.7 cum viaticum petiisset, accipere neutiquam meruit, nisi a sacrilega predicti ruris invasione cessaret. Tunc is pe-
l.8-nitentia ductus et sacrilegii culpam evidenter agnoscens, terram ipsam ecclesie in plurimorum testium contemplatione
l.9 restituit. Quod defuncto, defunctis etiam duobus filiis ejus, Guido Salonis filius, et Umbaldus Candidus qui duo duas Rai-
l.10-naldi filias duxerant, rursus in ecclesiȩ injurias proruperunt. Quos non longe post divinum est judicium subsecutum.
l.11 Tres enim filii Guidonis et uxor ejus, Umbaldus Candidus inmatura morte preventi sunt. Guido igitur et duo filii ejus, Fro-
l.12-mundus et Hugo superstites, et Rainaldus Umbaldi Candidi filius, divini judicii timore perterriti, accepta etiam a vobis
l.13 aliqua pecuniȩ quantitate, terra Mevȩ quam invaserant, ante altare Beati Satyri coram multis testibus reddiderunt.
l.14 Nos ergo presenti decreto statuimus ne unquam aut illis aut aliquibus secularibus personis liceat supradictam terram inva-
l.15-dere, et ecclesiȩ Beati Satyri in parte hac injurias irrogare. Quod qui presumpserit, tamquam sacrilegii reus,
l.16 excommunicationis sententia feriatur.
l.17 Ego Paschalis catholicȩ ecclesiȩ episcopus, subscripsi.
l.18 Datum Autisiodori per manum Johannis, diaconi ac bibliothecarii, IIII kalendas JUNII, indictione XV, incarnationis dominicȩ anno MoCoVIIo,
l.19 pontificatus autem domni Paschalis secundi papȩ VIIIo.