Le chevalier Gausbert donne la moitié de l'église de Garchizy et son fils Adrebaldus à l'abbaye Saint-Aignan d'Aubigny-sur-Loire.

l.1 Quisquis sanctorum loca in Dei honore et sanctorum ejus veneratione consecrata
l.2 donis aliquibus augmentare desiderat, mercedem deficientis boni
l.3 apud ȩternum largitorem recepturum se fore, dubitet minime.
l.4 Quapropter ego Gosbertus miles ob dignitatem cȩlestis gloriȩ possidendam memor
l.5 scelerum meorum pro animȩ meae remedio vel parentum meorum beato Aniano
l.6 et monachis Deo et ei servientibus, concedo Nivernensi antistite H. et omnibus
l.7 suis clericis annuentibus alodum meum scilicet hoc est medietas ȩcclesiȩ quȩ dicitur
l.8 Guarchisiacus, cum omnibus quȩ sibi accidunt. Quin etiam meum filium nomine
l.9 Adrebaldum sub monachili habitu in supradicti sancti cenobio Deo et sanctis
l.10 omnibus serviturum omnibus diebus vitȩ suȩ esse concedo.
l.11 Si vero qualibet persona ex meis parentibus falso opposita hanc donationem
l.12 a nobis factam calumpniare vel destruere conaverit, nullo modo vindicet
l.13 quod quesierit, sed coactus centum libras auri componat, quibus litem intule-
l.14-rit. Insuperque juditio Dei se valide multatum cognoscat, atque in die
l.15 districti examinis maledictionis Ananiȩ, damnationis Saphire,
l.16 Dathan quoque et Abiron particeps efficiatur. Et ut hȩc carta cercior
l.17 habeatur et in posterum inconvulsa teneatur, manibus propriis eam subter firma-
l.18-vimus, parentesque nostros firmare rogavimus. S. Guilelmi comitis. [colonne1] S. Hugonis episcopi. S. Gosfridi thesaurarii. S. Malguini archidiaconi. S. Raginardi abbatis. S. Odonis precentor. S. Odonis presbyter. S. Agmardi. [colonne2] S. Gosberti militis, qui fieri et confirmari rogavit. S. Gosberti filii ejus. S. Gosfridi [fil]ii ejus. S. Seguini filii ejus. S. Eldradi militis. S. Frotmundi militis. S. Raginaldi militis. S. Witboldi [fratris Gos]fridi thesaurarii.
l.19 Odo cancellarius scripsit et dictavit mense aprilis.
l.20 Regnante Philippo rege anno primo.

1