Béatrice d'Issoudun donne la terre de Montferdier, près de Graçay, à l'abbaye fondée par son mari Acfred, seigneur de Preuilly, à l'occasion de sa dédicace par l'archevêque de Tours, Archambault.

l.1 Omnibus sancte Dei ȩcclesie quibus subpetit nosse notum volo facere dilectoribus, precipueque cunctis
l.2 meȩ progeniei successoribus, quod ego Exodunensis BEATRIX uxor domini mei ACFREDI Prulliaci
l.3 meorum facinorum non inmemor, pro ipsorum ac aliorum meorum parentum remedio, do Deo monasterioque quod ad
l.4 presens constructum est ab ACFREDO domino meo in honore sancte TRINITATIS et veneracione sancte
l.5 Dei GENITRICIS Marie apostolorumque Petri et Pauli et abbati monachisque ibidem Deo servientibus
l.6 quoddam meum proprium predium quod est prope castrum Craciaci, nomen cujus vocatur Mons Senderii, ut michi
l.7 a meis parentibus jure evenit. Sciatque omnis plebs fidelium hoc meum predium sine aliquo servicio
l.8 sive aliqua requisicione consuetudinis meȩ progeniei, nec alicujus alieni hominis, michi liberum
l.9 possidere, et sicut ego eum liberum habeo, ita sane eis liberum do. Hoc donum facio in hoc presenti
l.10 die dedicacionis prefati monasterii, quod consecratum est a domno ARCHIMBALDO Turonorum
l.11 archiepiscopo. Ipse vero audiens hoc donum a me factum, sicuti indutus erat ante altare archiepiscopalibus
l.12 vestimentis, potestate Dei apostolique Petri apostolorum principis et sua auctoritate excommunicavit, et
l.13 anathematizavit, ne quis manum in hoc meo dono causa alicujus servicii vel consuetudinis aut terre
l.14 minuendi mittere presumat. Testes hujus mei doni, sunt hii: dominus meus Acfredus, nostrique filii,
l.15 Gosbertus, et Goffredus, Goffredus Dives, Goscelmus de Prulliaco, Vivianus Limechs,
l.16 regnante Rotberto Francorum rege.