Le pape Calixte II recommande au peuple et au clergé de Bourges Vulgrinus, leur archevêque, à qui il a conféré le pallium.

l.1 Calixtus, episcopus, servus servorum Dei, clero et populo Bituricensi, salutem et apostolicam benedictionem.
l.2 Divinȩ dispositionis providentia in administratione sedis apostolice constituti, universis ecclesiȩ
l.3 filiis existimus debitores. Quamobrem karissimi in Christo filii petitioni vestrȩ clementer annuimus, et venera-
l.4-bilem fratrem nostrum Vulgrinum archiepiscopum vestrum quem ad nos cum quorumdam fratrum presentia, et litterarum
l.5 vestrarum testimonio direxistis, debita benignitate suscepimus. Porro electionem ejus et consecra-
l.6-tionem, tam ex vestris, quam ex fratrum nostrorum Claromontensis, Autisiodorensis et Nivernensis episcoporum
l.7 litteris canonicam perpendentes, quod de fratre ipso factum fuerat, apostolicȩ sedis auctoritate firmamus.
l.8 Antiquam preterea vestrȩ ecclesiȩ dignitatem illibatam servari per Dei gratiam cupientes, palleum eidem
l.9 fratri pontificalis videlicet officii plenitudinem largiti sumus, quo nimirum uti debebit diebus
l.10 illis qui in vestrȩ ecclesiȩ privilegiis distinguntur. Vestram itaque universitatem apostolicȩ salutationis
l.11 alloquio visitantes, rogamus vos, monemus, atque precipimus, ut eum rev[er]enter suscipiatis,
l.12 honorem ei debitum et obedientiam deferatis, et in omnibus eatenus adesse curetis, quatenus
l.13 et vos de ipso, et ipse de vobis in conspectu domini Dei nostri gaudium et felicitatis eternȩ gloriam mereatur.
l.14 Datum apud Sanctum Germanum II non. decembris.