Gérald, fils d'Isnard, Leutgarde son épouse et Pons, clerc (qui devint archevêque d'Aix), donnent à l'abbaye Saint-Victor de Marseille une terre située dans le territoire de Bouc.

l.1 In nomine Domini, ego Giraldus, Isnardi quondam filius, et mulier mea Leugarda et domnus Pontius clericus damus Sancto Victori
l.2 Massiliensis monasterii et habitatoribus ejusdem loci, tam presentibus quamque futuris, de terra de manso Andreȩ, quȩ est
l.3 in territorio de castro quod nominatur Buccus, ipso Andrea volente et precante hoc ipsum, et ob hanc donationem,
l.4 propter servitium, unum caballum suscipiente. Haec autem terra habet consortes: ab oriente, terram de Benedicto Tabernario;
l.5 a meridie, terram de Stephano Signario; ab occidente, terminum de terra de Caprario castro; a septemtrione autem, viam
l.6 publicam quȩ tendit ad castrum quod vocatur Pennas. Hanc donationem non solum ego Giraldus et domnus Pontius
l.7 clericus sed etiam omnes coeredes ejus, hi sunt: Pontius de Brachio castro et ejus uxor, Barnardus de Arelato et uxor ejus,
l.8 Vuilihelmus de Affuello castro et uxor ejus, cum filiis et filiabus suis, donamus jamdicto Sancto Victori Massiliensis monasterii
l.9 et habitatoribus ejus, tam presentibus quamque futuris, ut habeant et possideant et suam voluntatem inde faciant. Hanc donationem
l.10 qui voluerit anullare aut inquietare, paciatur omnes maledictiones quȩ sunt scriptae in veteri et in novo testamento,
l.11 et insuper inferno inferiore damnetur cum Juda traditore.
l.12 Hȩc donationis karta facta est anno ab incarnatione Domini millesimo XLVII, inditione vero XV.
l.13 Ego Giraldus et mulier mea et domnus Pontius clericus et supranominati heredes mei firmavimus.
l.14 Bligerius Agulon firmavit. Gerunclus firmavit. Lautaldus presbiter firmavit. Pontius presbiter firmavit.
l.15 Wilelmus de Roca firmavit. Leutaldus de Traz firmavit. Rotbaldus Genesius firmavit. Rainerius presbiter firmavit.

1