Pierre, Faraldus son frère, leurs épouses et leurs enfants, donnent à Saint-Victor de Marseille les églises de Saint-Pierre et de Saint-Michel in castro Acianȩ, avec toutes leurs dépendances.

l.1 Clementissimo omnipotentis Dei nutu ȩquissimaque moderatione qua cunctis moderatur creatis, post primi hominis lapsum
l.2 de paradisi limitibus, constat quidem pie concessum humano generi, suasu delatori superbissimi continuo delinquendo ad ima labanti,
l.3 transitivis ac temporaneis adquirere sempiterna et ex extricabilibus semper manentia. Quocirca, cum ita cunctis hȩc transeuntia mani-
l.4-festum incunctanter sit pocientibus bona, ilariter largiendo ea sanctis amicis Dei, excepturos se ab eisdem ȩterna in tabernacula, sicuti tuba personat
l.5 evangelica, atque possessuros incommutabilia cum eis gaudia; nos quoque fratres, utpote Petrus et Faraldus, metuentes feralia nostra nostrorumque
l.6 parentum innumerosa crimina, ultronei censemus, abolitione eorum, ex possessionibus jure nobis concessis largiri sanctissimo Christi martyri Victori,
l.7 ejusque complicibus, quatinus eorum intercessu mereamur enodari a nostrorum nexibus atque, annuente Domino Christo, perfrui pariter cȩlestibus. Ergo nos in idipsum
l.8 Petrus et uxor mea Teudiarda et filii mei Pontius et [Ripert]us, et ego Faraldus et uxor mea Guitburgis et filii mei Galterius et Rostagnus,
l.9 donamus predictis Christi martyribus, ȩcclesiam quȩ est dedicata [in hon]ore sancti Petri et sanctȩ Mariȩ, cum ipsa ȩcclesia sancti Michaelis quȩ est in castro Acianȩ,
l.10 cum toto alode quȩ nunc habet et in ȩternum habitura est, et cum omni presbiteratu, videlicet cum primitiis et cimiterio, et cum quarta parte de-
l.11-cimi panis et vini et carnis, omniumque rerum quȩ solite sunt decimari, cum tota illa terra, in qua predicta ecclesia sancti Petri est sita, a via que dis-
l.12-curritur ab ipso castro ad ipsam ȩcclesiam vel subtus eam, scilicet totum podium, ex omni parte ȩcclesiȩ, in circuitu, totumque podium vinearum, quod est
l.13 suum. Insuper donamus predictis martyribus campestrem agrum ad laborationem panis, cujus quantitas asseritur recipi dum seminatur XII modiorum ex in-
l.14-tegro, cum decimo et casca; vocaturque ille locus Carcianus, scilicet totam condaminam, quȩ fuit Galterii, fratris nostri. Donamus iterum ego
l.15 Petrus et uxor mea et filii mei ipsam vineam quam plantavit Girardus presbyter, quȩ est sita juxta prato, totam ipsam vineam quam ipse habeat
l.16 in suo dominio, et quod ego Petrus habeo in meo dominio vel filii mei ex eadem complantatione. Et ego quoque Faraldus et uxor mea et filii
l.17 mei donamus iterum predictȩ ȩcclesie ipsas terras a brazariȩ totius, cum orto et prato et decimo et tas[ca] et omnia quȩ tenuit de nobis pre-
l.18-dictus Girardus presbyter et habuit. Similiter et ego Bermundus, et uxor mea Teudiarda, et filii [mei] Raimbaldus et Laugerius et Rostagnus,
l.19 donamus sancto Victori totum quod habemus infra predicta ista donatione. Igitur nos quoque omnes supradicti donamus hȩc omnia supradicta
l.20 sancto Victori Massiliensi servientibus sibi ad proprium alodem ammodo ut habeat et libere possideat in sempiternum. Si quis vero deinceps,
l.21 quod absit, contra hanc donationem temerator processerit ad irritandum non va[le]at adipisci [....]a petierit, verum componat hanc
l.22 donationem, ut precipit lex. Insuper noverit se excommunicatum et a limin[ibus] sanctȩ ȩcclesiȩ nisi penitus emendaverit juste eliminatum.
l.23 Acta tomus donationis hujus XII kalendarum octobrium, regnante Henrico rege, anno incarnationis Domini nostri Jhesu Christi MXLV,
l.24 indicione XIII. Signum Petri et Faraldi et Bermundi, et uxorum et filiorum nostrorum, qui hanc donationem scribere jussimus et firmavimus,
l.25 et omnes hujusmodo testes firmare rogavimus. Signum Raimbaldi, archiepiscopi Arelatensis. Signum Lagiti et Pontii et Gui-
l.26-lelmi ceterorumque filiorum ejus.

1