Foulques de Pourrières et Maurina son épouse donnent à l'abbaye Saint-Victor de Marseille des dîmes de vigne. Olivier et Blanche son épouse, donnent à l'abbaye Saint-Victor de Marseille une part de dîmes.

l.1 Omnipotentis Dei oppitulante clementia et ejus benignissima annuente misericordia, ego Fulco
l.2 de Porrerio et uxor mea Maurina, audientes Dominum Jhesum in evangelio dicentem: Date elemosinam et ecce
l.3 omnia munda sunt vobis, pro remedio animarum nostrarum quatinus possimus futuram iram evadere et ad eterna
l.4 gaudia pervenire, donamus Deo omnipotenti et sancte Marie et monasterio sancti Victoris Massiliensis et monachis
l.5 inibi Deo servientibus tam presentibus quam futuris usque in finem seculi, ut habeant et possideant sine ulla interpel-
l.6-latione decimas de vineis que sunt in territorio Radulfi Adelz, hoc est ab oriente [...] via publica que vadit
l.7 in Palena; a meridie est statum petre; ab ocidente via que vadit ad Peum Gisan et accepi a Guillelmo monacho de podio
l.8 Luberio, scilicet priore tunc temporis sancti Poncii VII solidos publice monete, absque ulla retinementa.
l.9 Hanc donationem atque vendicionem videntes: Rostagnus monachus frater meus et Stephanus monachus de Bar
l.10 et Guillelmus monachus de podio Luberio et Robaldus [......]t cupientesque suscipere nobiscum mercedem a domino nostro Jhesu Christo
l.11 qui cum Patre et Spiritu Sancto vivit et regnat Deus per omnia secula seculorum, AMEN.
l.12 Ego Oliverius et uxor mea Blanca donavimus atque vendidimus nostram partem decime Deo et ecclesie Sancti Victoris et monachis inibi Domino Jhesu Christo
l.13 militantibus et multociens instigante diabolo recuperavimus sicut canis qui revertitur ad vomitum suum. Nunc vero opitulante
l.14 gratia Spiritus Sancti relinquo partem meam supradicte decime et uxor mea Blanca, Deo et ecclesiȩ sancti Victoris Massiliensium sine ulla
l.15 interpellatione ut habeant et possideant, in manu Radulfi abbatis coram, priore Petro Rubaldi sancti Pontii de Podio
l.16 Luberio et Rostagno monacho, Guiraldo, Guillelmo monachis de Podio Luberio, Guillelmo Pontii, Isnardo Aldeberti
l.17 monachis, Ugone Dalmacii, Petro Deodati et Pontio Grimaut, usque in fine seculi et accepi a Petro Rubaldi, priore
l.18 sancti Pontii vacam unam cum vitula sua pro supradicta quam habebant in territorio de Podio Luberio. Sane si ego aut aliquis contra hanc
l.19 donacionem nostram obsistere voluero, obtinere illud non valeam set iram Dei omnipotentis incurrat cum Juda
l.20 Scariothe traditore, Anna etiam et Caipha eterni igni penas sustineam. Amen. Fiat. Fiat.