Pierre Nicecii et Geoffroi, son frère, avec Agnès, femme de Guillaume Nizier, qui va partir à Jérusalem, et leur fils Raimond, vendent à l'abbé Otton et aux moines de l'abbaye Saint-Victor de Marseille une terre située à Consuas pour 60 sous melgoriens.

l.1 Qui vult possessionem suam in alterius jure transfundere debet hoc agere stabili noticia testibus conscriptis. Unde nos fratres Petrus Nicecii et Gaufredus Nicecii
l.2 vendimus abbati Otoni et monachis Sancte Mariȩ et Sancti Victoris sibi comissis terra que vocatur Consuas. Et Agnes et Raimundus, filius ejus, vendit similiter partem suam,
l.3 per preceptum ejusdem Guillelmi Nicecii, mariti sui, qui, iturus Jherosolimam, mandavit predictȩ uxori suȩ Agneti, si necesse sibi esset, predictȩ terrȩ partem suam
l.4 venderet, ad regendam domum et familiam suam vel ad solvendum debitum quod maritus ejus et ipsa debebant, cum consilio Po[nci]i Otonis, fratris Agnetis, uxoris
l.5 fratris nostri. Et propter hoc damus terciam partem Agneti precii et filio ejus Raimundo, precium scilicet LXXa solidorum melgoriensium, quod accipimus a predicto abbate
l.6 et a monachis ejus. Predicta terra de Consuas ab oriente habet terminum terram que fuit de Iterio de Borriano; ab occidente, mare; a septentrione, sicut
l.7 aqua vergit, totum est de terra et de vendicione ista; a meridie, est terra Sancti Victoris. Si qua vero persona, cujuscumque dignitatis vel ordinis, hanc
l.8 vendicionem monachis vel sancto monasterio aliquo malo ingenio inpedierit vel contradixerit vel per potenciam abstullerit, tandiu teneant monachi et in
l.9 pace possideant terram nostram quam habemus juxta curtem Sancti Genesii, sine omni inpedimento et contrarietate. Ita fideliter firmamus et absol-
l.10-[vimus] monachis, donec predictam terram sine contrarietate monachis restituamus, id est terram de Consuas. Facta est vendicio ista anno ab incarnatione Domini
l.11 M°C°XII° in mense febroario, X kalendas marcii, feria Va. Petrus Nicecius et Gaufredus, frater ejus, firmant. Raimundus, nepos ejus, filius Agnetis, firmat. Petrus
l.12 Bonefacius firmat. Rufaldus, frater ejus, firmat. Poncius Oto firmat. Poncius Stephanus episcopus firmat. Ysnardus Ildeberti monachus firmat. Stephanus monachus cellerarius
l.13 firmat. Johannes cellararius firmat. Gandalbertus monachus firmat. Raimundus, Salmodiensis monachus, firmat. Garnerius monachus firmat. Agnes, mater Raimundi, cum
l.14 filiis et filiabus suis firmat. Guillelmus Nizecius firmat, et nos monachi donamus ei super hoc VI solidos et I sestarium de annona et I saumada de vino; et ego
l.15 Johannes cellararius dedi hec.
l.16 Bertrannus, monachus et sacerdos, scripsit hanc cartam, die et anno quo supra.