Pierre, évêque de Senez, donne à Saint-Victor de Marseille et à l'abbé Richard, la moitié des droits mortuaires que la coutume et le droit lui attribuaient dans la vallée de Castellane. Laugier et Etiennette donnent à Saint-Victor de Marseille tout ce qu'ils possédaient dans le territoire du monastère de Castellane.

l.1 Breve recordationis de dono quod fecit dominus Petrus Senescensis episcopus. Ego P[etrus] Senescensis episcopus dono omnipotenti Deo et sancte
l.2 Mariȩ, sancto Petro et sancto Johanni, monasterioque quod situm est in Petra Castellana, et dono R[icardo] abbati et omnibus Massiliensis monachis, tam
l.3 presentibus quam futuris ibi Deo servientibus, in manu Willelmi ipsius monasterii prioris, cum consilio clericorum meorum, videlicet
l.4 Guidonis de Clummaco, Verdilionis, Aldeberti, Isnardi de Alonz, sub presentia aliorum amicorum meorum, Willelmi videlicet de Marcolfo
l.5 et Isnardi de Senez, ceterorumque mihi famulantium, medietatem mortalatgii mihi pro consuetudine et jure accidentis in omni valle
l.6 quȩ Castellana vocatur, sine retinemento. Hoc donum quod cum consilio clericorum facio pro redemptione animȩ meȩ si quis autem cle-
l.7-ricalis aut laicalis potestas anullare sive impedire temptaverit, gladium excommunicationis et iram omnipotentis Dei incurrerit
l.8 donec quibus concessum est satisfecerit. Et ut hoc donum firmis et stabilis teneatur, hanc cartam super altare ecclesiȩ Sanctȩ Mariȩ manu
l.9 propria firmando pono. Laugerius de Petra Castellana testis. Domina Stephana uxor domini Bonifacii testis. Goirandus testis. Odo testis.
l.10 Martellus testis. Benedictus testis. Isnardus Merula testis.
l.11 Ego Leodegarius et mater mea Stephana, donamus et reddimus omnipotenti Deo et sancte Marie, sancto Petro et sancto Johanni monasterioque Petre
l.12 Castellenȩ et monachis Massiliensibus tam presentibus quam futuris, quicquid honoris habemus vel habuimus infra terminos predicti
l.13 monasterii per donum alicujus hominis vel feminȩ ad eum pertinentis videlicet in vineis, in terris, tam cultis quam incultis,
l.14 et in omnibus omnino rebus, sine ullo retinemento, et inde accepimus unum mulum, C. solidos et unum caballum valentem.
l.15 Hoc donum vel reddicionem si quis impedire vel abnegare voluerit, est inde pro nobis fidejussor Petrus Assaliz
l.16 Dempurs per centum solidos.