Procès-verbal constatant que le pape Urbain II en passant à Tarascon, avait confirmé la donation d'un terrain faite à Saint-Victor de Marseille par la comtesse Etiennette surnommée Douce, pour y construire un monastère en l'honneur de saint Nicolas, et avait béni le lieu destiné à l'église et au cimetière.

l.1 Ȩcclesiastica traditio et venerabilium [legum sancxit autoritas],
l.2 ut quod ad religionis augmentum in sancta ecclesia salubriter [disponitur],
l.3 per scripture munimentum, ad futurorum memoriam sagaciter transmittatur.
l.4 Quapropter cunctis fidelibus, et presentibus, et futuris, notum fieri volumus quod
l.5 venerabilis papa URBANUS IIo, anno incarnationis dominice millesimo
l.6 XCVI, sui autem pontificatus VIII, indiccione IIIa, IIIo idus septembris, per castrum
l.7 Tarasconem transitum habuit, ibique prediolum quod ante portas ejusdem castri
l.8 Stephania, cognomento [Dulcis], comitissa, pro anima [filii] sui Bertranni
l.9 comitis, [et] proceres atque incole jamdicti castri, pro salute quisque anime sue,
l.10 beato Victori martyri, Massiliensis monasterii, necnon [venerabili] Ricardo
l.11 abbati, et successoribus ejus, ad construendam ȩcclesiam [et cimiterium, in perpetuum]
l.12 jus possidendum contulerant, suȩ auctoritati largitione [confirmavit],
l.13 ibique essȩ monasterium atque cimiterium in honore beati Nicolai fieri precepit,
l.14 et quibuscumque monasterio illi, sive de substantia, sive de honore, modo et
l.15 in futurum bonafacientibus, in suarum orationum partem suscipiens, indul-
l.16-gentiam peccatorum et gratiam beati Petri et suam donavit. Altera vero die, per locum illum
l.17 transiens, precibus comittisse et militum castri, terram in opus fabricande ȩcclesiȩ,
l.18 et cimiterii manu propria benedixit. Locus autem iste, a memoratis personis concessum
l.19 et ab apostolico confirmatus, ante portas Tarasconenses ab oriente est situm, prope litus
l.20 Rodani, juxta ulmum; ubi quicumque bonafecerint et ad fabricandam ȩcclesiam
l.21 locumque construendum adjuverint, sciant se procul dubio beneficia [recepturos],
l.22 atque, per beati Nicolai preces et merita, Dei gratiam et peccatorum suorum indulg[en]-
l.23-tiam adepturos. Hec largitio et apostolice auctoritatis confirmatio facta est
l.24 apud Tarasconem, prelibato venerabili Ricardo, abbati Massiliensi, et monachis
l.25 suis, successoribusque eorum in perpetuum, presentibus episcopis Daigberto Pisano,
l.26 Jhoanne Portuensi, Bruno de [Sign]ensi cardinalibus, Teutione
l.27 et Alberto, in presentia Wilelmi, abbatis Montis Majoris, et quorumdam suorum
l.28 monachorum, predicte committisse, Laugerii de Bulbone, Petri Albarici,
l.29 Petri Isnardi, et aliorum multorum diversi generis et etatis, die et anno quo supra.

Usage du style de l'annonciation pisane.