Gaucher, évêque de Cambrai, concède à l'abbaye de Saint-Denis l'autel de Solesmes, libre des droits de personnat, de mutation et d'autres taxes.

l.1 [croix] IN NOMINE SANCTAE ET INDIVIDUAE TRINITATIS, VUALCHERUS, CAMERACENSIUM EPISCOPUS CUNCTIS SUCCESSORIBUS SUIS EPISCOPIS SEU ETIAM
l.2 omnibus christianae religionis fidelibus, praesentis et futurae vitae gaudere successibus. Cum multimoda praecedentium patrum teneamus exempla
l.3 quibus instructi divina favente clementia incunctanter ad aeterna tendamus praemia, hac praecipue Domini voce commonemur, ut in
l.4 praesenti tales nobis amicos sanctos scilicet apostolos et martyres de mamona iniquitatis adquiramus, qui nos cum defecerimus recipiant in
l.5 aeterna tabernacula. Tali itaque exemplo ac commonitione accensus, mecum etiam recolens quod sicut flos agri qui mane oritur et
l.6 vespere decidit sic omnis vita hominis pertranseat, dum multotiens per Hugonem villicum eorum precibus circumvenirer abbatis
l.7 fratrumque cenobii pretiosissimi martyris DYONICII totius Galliae primatis sociorumque ejus, altare de Solemmio quod ad personam
l.8 usque nunc tenuerant pro salute animae meae sive successorum nostrorum, et ut dies obitus nostri ibidem a fratribus per singulos annos
l.9 debite recolatur, cum communi assensu tam clericorum nostrorum quam laicorum sine persona et sine aliqua redemptione vel aliquo
l.10 reditu praeter debita obsonia liberum ipsi gloriosissimo martyri fratribusque sibi servientibus perpetualiter tenendum concedimus.
l.11 Concedimus inquam, et sicut fecimus, firmum hoc atque inviolabile semper tenere et servare posteritati nostrae mandamus.
l.12 Et ut ratum hoc et inconvulsum per saecula maneat, legalium testium tam clericorum quam laicorum nostrorum nomina
l.13 in hujus cartae assertione subnotamus. Signum Warneri archidiaconi. Signum Adelardi archidiaconi. Signum Frederici archidiaconi.
l.14 Signum Bernardi archidiaconi. Signum Rothardi archidiaconi. Signum Rodulfi archidiaconi. Signum Albrici prepositi. Signum Erleboldi decani et custodis. Signum
l.15 Gutdonis cantoris. Signum Fulchonis vicȩdomini. Signum Hugonis ejusdem villae villici. Signum Rotberti militis. Signum Ingebrandi militis.
l.16 Signum Fulchonis militis. Signum Gerulfi militis. Signum Amolrici militis. Signum Walteri Tonitrui.
l.17 Si quis autem hoc contradicere vel temerario ausu aliquomodo infringere conatus fuerit, perpetuo anathematis vinculo
l.18 obligamus, nisi poenitudine digna satisfecerit, servantes vero caelesti benedictione aeternaliter remunerentur.
l.19 Ad hoc etiam ut haec carta ex omni parte signata veritate reddatur, sigilli sanctȩ MARIAE Cameracensis aecclesiae
l.20 impressione eam corroboramus.
l.21 SIGNUM DOMNI VALCERUS [monogramme] PONTIFICIS.
l.22 ACTUM EST HOC CAMERACI ANNO DOMINICAE INCARNATIONIS IXCV, indictione III, epacta XII, concurrente VII,
l.23 regni vero Henrici imperatoris anno XLIIII, prȩsulatus domni Walcheri anno I.
l.24 [sceau].

DUVIVIER (Ch.), Recherches sur le Hainaut ancien (Pagus Hainoensis) du VIIe au XIIe siècle, Bruxelles, 1865, p. 481-483.

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 150-151.

VAN MINGROOT (E.), Liste provisoire des actes des évêques de Cambrai de 1031 à 1130, dans µSerta devota in memoriam Guillelmi Lourdaux, pars posterior : cultura mediaevalisµ, éd. W. Verbeke et al, Louvain, 1995, p. 13-55, p. 28, n° 7.