Béatrice, veuve de Pons Alphan et Boniface son fils donnent à Saint-Victor de Marseille et à l'abbé Durand la sixième partie des biens qu'ils possèdent à Gontard.

l.1 In sanctȩ et individuȩ Tritatis nomine. Ego Beatrix, quondam Poncii Elephanti uxor, pro mariti mei filiorumque defunctorum meorum animarum redemptione, proque
l.2 anima mea, filii etiam mei anima adhuc vivi, dono ad proprium alodem altari quod est consecratum in honore sanctȩ Mariȩ semper virginis sanctique Victoris Christi martyris,
l.3 in Massiliensi monasterio, sextam videlicet partem, quȩ maritum meum filiosque meos defunctos, me quoque et filium meum viventem, qualicunque ratione, contingit in Guntardo.
l.4 Fuit autem hȩc sexta, de qua loquimur, pars cujusdam mulieris, Dumidiȩ nomine. Hanc donationem sextȩ partis, in supradicto Guntardo me contingentis,
l.5 in terris cultis et incultis et in omnibus omnino rebus, supranominato altari sanctȩ Mariȩ sanctique Victoris, Massiliensis monasterii, ego Beatrix, cum filio meo vivente,
l.6 dedimus, simulque domno Durando, presenti ejusdem monasterii abbati, successoribusque suis, necnon et monachis illius loci, tam presentibus quamque futuris, excepta
l.7 illa tasca ipsius terrȩ, quam homines Balduini Castri videntur colere. Si quis contra hujusmodi donationem ullo tempore venire temptaverit, aut inquietare
l.8 nisus fuerit, non valeat vendicare quod voluit, sed Dei omnipotentis, [...] omnium sanctorum iram incurrat, pȩnasque Dathan et Abiron Judaeque traditoris
l.9 comparticeps subeat, nisi digna satisfactione emendaverit.
l.10 Ego Beatrix jamdicta filius meus Bonifacius donavimus et firmavimus. [croix]
l.11 Beatrix femina firmat. Fratrer Sirus domno Duranno abbate precipiente scripsit MoLXVI anno Domini incarnati.