Rodolphe de Celeriaco, fils de Faraldus et Adalgarde, donne à Saint-Victor de Marseille et à l'abbé Durand le mas de Barre dans le comté de Rodez, avec toutes ses dépendances et réserve d'usufruit.

l.1 In sanctȩ et individuȩ Trinitatis nomine. Ego Rodulfus de Celeriaco filius quondam Faraldi et Algardȩ, pro anima mea proque remedio animarum parentum meorum
l.2 dono ad proprium alodium altari quod est consecratum in honore sanctȩ Mariȩ semper virginis, sanctique Victoris martiris in monasterio Massiliensi, et domno Du-
l.3-rando abbati et successoribus ejus monachis etiam ipsius monasterii tam presentibus quamque futuris, mansum de Barro videlicet qui est in comitatu Rote-
l.4-nico cum appendiciis suis. Et hoc post mortem meam, nisi forte michi placuerit domino inspirante, ut ante me et ipsum mansum cum alio habere refu-
l.5-tando seculum, jamdicto monasterio donem. Facio itaque in vestitione ejusdem mansi donando in vita mea per singulos annos prefatis viris ex eodem manso
l.6 unum multonem et agnellum I porcum, VIII denariorum, VI denarios, II spallas de porco, et sextarios II de cibaria. Post mortem autem meam
l.7 sicut prescriptum habetur dono totum et ex integro jam nominato altari ipsum mansum cum terris cultis et incultis, fontibus et pratis, pascuis, silvis
l.8 et garricis cumque suis appennariis et omnibus rebus ad ipsum mansum pertinentibus, exceptis XII denariis quos pater meus donavit sancto Salvatori.
l.9 Ego jamdictus Rodulfus et frater meus Barnardus sȩpe nominatum cum suis omnibus rebus mansum ad proprium alodium presignato altari sanctȩ Mariȩ et sancti Victoris mo-
l.10-nasterii Massiliensis presentique abbati et successoribus ejus, simulque monachis in eodem monasterio consistentibus ad presens et omni tempore futuris, rationem superius
l.11 dicta donavimus ut ipsi intercessores sint ad Deum pro animabus nostris parentumque nostrorum. Hanc autem donationis cartulam fieri precepimus et manibus nostris firma-
l.12-vimus aliosque firmare rogavimus. Si quis igitur contra eam nociturus venire temptaverit aut aliquo modo inquietare nisus fuerit, non valeat
l.13 vendicare quod voluit, sed iram Dei omnipotentis, omniumque sanctorum incurrat nisi digna satisfactione emendaverit. Facta est autem hȩc descriptio donatioque
l.14 anno incarnationis dominice millesimo LXIIII, INDICIONE II, EPACTA VERO nulla, regnante Philippo francorum rege. Feliciter.
l.15 SCRIPSIT AUTEM FRATER SIRUS, DOMNO DURANDI ABBATIS JUSSIONE.