Deusdedit, abbé de Vabres, donne son abbaye à Saint-Victor de Marseille et à l'abbé Durand, par ordre du pape Nicolas II et avec l'agrément de Robert, comte de Rodez et d'Auvergne. Il restitue avec son frère Raimond, Aldiardis son épouse et ses fils, la moitié du château de Petra Alba.

l.1 [chrisme] In nomine sanctȩ et individuȩ Trinitatis, videlicet Patris et Filii Spiritus Sancti. Memoria et notitia sive pactio qualiter vir nobilissimus Deusde, Rotenensis abbas, summi opificis instinctu [per]motus
l.2 atque amore patriae cȩlestis incitatus, adiens domnum Nicholaum Romanum papam, accepta ab eo licentia et auctoritate et potius apostolica jussione, quatinus Vabrense monasterium, [su]e potes-
l.3-tatis ditioni subditum, quod olim regulare fuerat atque religiosum, nunc vero ab omni ordine destitutum et etiam abitatoribus penitus vacuatum, quorum culpa constat evenisse idipsum, abbati
l.4 et cȩnobio, cujus amminiculum sibi commodius fuerit visum, decernat comitendum; secum diutius animo volvens et monasteriorum Galliae mores regulamque perspiciens, unum ex omnibus,
l.5 a quo monastica religio institutionibus et collationibus sanctorum patrum, auctore sanctissimo et meritis glorioso ejusdem, Massiliensis videlicet monasterii, patre ac fundatore Cassiano, primo
l.6 nostras ad partes promulgata processit, quod actenus, Dei propicio, floret ac regulari districtione pollet, Domini nostri Jhesu Christi, et ejus sanctȩ genitricis Mariȩ sanctorumque Victoris et sociorum ejus,
l.7 prȩciosorum martyrum, ibidem quiescentium, sanctorum etiam Petri et Pauli et omnium apostolorum honore consecratum, suae voluntati potissimum atque utillimum elegit. Igitur, libentissimo atque voluntario
l.8 animo, concedente et consentiente domino et seniore meo Rotenensium atque Arvernensiu[m co]mite Rotberto, et uxore ejus domna Berta, eju[sque Avi]a comitissa Ricardis, ego, D[e]usde, supra-
l.9-nominatus abbas, et Raimundus frater meus, et uxor ejus Aldiardis, unacum filiis suis,
l.10 pro redemptione animarum nostrarum parentumque nostrorum et remuneratione patriȩ cȩlestis, supranominato Vabrensi monasterio quȩdam, que huc usque usurpata injuste tenuimus ac possedimus,
l.11 donamus et reddimus, scilicet medietatem castelli quod nominatur Petra Alba, de ipso bastimento quod ibi est et in antea factum erit per nomen de castello; quam medietatem abbas et congregatio
l.12 ejusdem monasterii teneant, et castellani ipsius medietatis de manu ejus accipiant, et ei servi[an]t ac fidele sacramentum faciant. Malos vero usus, tultas, tortitudines, districtiones
l.13 fidejussorias, et lucra quȩ per symoniacam factionem in eodem monasterio et in ejus dominic[atu]ris, mansis, villis et cellis, usque ad hoc tempus nos vel nostri parentes accepimus vel exegimus, omnino
l.14 relinquentes, funditus abrenunciamus et in manu Durandi, abbatis Massiliensis, et domni Raiambaldi, archiepiscopi Arelatensis, ejusdem sancti Victoris monasterii monachi, firma stipulatione, coram Deo
l.15 et sanctis ejus, ex toto in perpetuum guirpitionem facimus.
l.16 Haec autem suprascripta omnia, scilicet sepius nominatum Vabrense monasterium, in pago Rotenico situm, in honore Domini salvatoris ejusque genitricis et sanctissimi Dionisii martyris consecratum, cum omnibus suis,
l.17 ad honorem omnipotentis Dei et restaurationem ipsius loci, concedimus, tradimus, donamus et committimus altario in honore domini nostri Jhesu Christi ejusque genitricis et domni Victoris, gloriosissimi martiris,
l.18 et sociorum ejus, necnon et altari principum apostolorum Petri et Pauli, et omnium apostolorum in Massilie[nsi] cȩnobio consecratis, et abbati Durando ejusque successoribus et congregationi ipsius loci prȩsenti
l.19 et futurȩ. Ordinamus vero atque di[s]ponimus, et stabili firmitate sancimus ut ipse abb[as Du]randus et successores ejus per omnia tempora de congregatione Massiliensi ponant in monasterio
l.20 Vabrensi abbatem et quos voluerint monachos, qui eis obedientes secundum normam regulȩ sancti Benedicti et consuetudines Massiliensis monasterii in eodem loco ad servicium omnipotentis Dei permaneant
l.21 Si vero quod absit abbas ipse vel monachi, a regulari tramite deviantes, perverse vivere voluerint et sepe commoniti emendare noluerint, abbas Massiliensis educat secum perversos abbatem
l.22 sive monachos, et eorum loco ponat, sine ullius contradictione, de suis honestos, utiles atque bonos, sibique ac regulȩ oboedientia subditos.
l.23 Ergo si quis vel si qua, nos aut aliquis vel aliqua heredum sive successorum nostrorum, vel alia quȩcumque opposita persona, cujuscumque dignitatis aut ordinis, huic privilegio vel scriptioni contraire
l.24 vel inquietudinem inferre temptaverit, summȩ Trinitatis iram incurrere et a cȩtu aecclesiȩ catholicȩ segregatum noverit se perpetua pena cum Anticristo damnatum, cumque Juda Scarioth et Sabellio
l.25 atque Arrio, Dathan et Abiron, Symone quoque mago, aeternis ignibus concremandum, hoc privilegio permanente, stabilitate fixa cum stipulatione subnixa.
l.26 Ego Deusde hanc cartam scribere jussi, et manu mea roboratam testes firmare rogavi. Signum [D]eusde abbas. Signum Raimundus et filii sui.
l.27 Facta donatio haec anno incarnationis dominicȩ millesimo LXII, inditione XIIII, pridie idus junii, tercia feria, epacta XXVI, luna XVIIII, in burgo vel villa Sancti Egidii.
l.28 Signum Arnalde filii Aifrede. Signum Petroni de Castluz. Signum Poncioni Escodacani. Signum Raimundi Geraldo.
l.29 Signum Aifredi Geraldo. Signum Stephani Geraldo. Signum Rainoni [vice]comite cum fratribus suis. Signum Ambla[rd]i. Signum Bernardi.
l.30 Signum Rigaldi. Signum Bonafos. Signum Volverati. Signum Raimbaldi archiepiscopi. Signum Ugoni monachi.
l.31 Ego Poncius rogatus scripsi, Durando abbate mandante.