Pierre, abbé de Saint-Victor de Marseille et Guillaume seigneur de Goult, dotent l'église Saint-Domnin de Goult, dans le diocèse de Cavaillon, à l'occasion de sa consécration.

l.1 Cum a radice primȩ humanitatis per totum diabolus mundum seviret, humanumque genus non creatori sed idolis deserviret placitum est
l.2 summo Deo ut incarnaretur et de stirpis judaice virgine nasceretur. Ex tunc est prophȩtatus et in seculo natus. Post ex humana
l.3 parte creverat in ȩtate non minor deitate vel illa potestate. Aqua Jordanis tactus et a Jhohanne est babtizatus.
l.4 Non ut hoc indigeret sed babtizandi nobis exemplum preberet. Elegit huic discipulos non innumero multos nec prudencia
l.5 fultos sed pauperes et stultos, ut esset laudabilius et prorsus mirabilius. Item postea multos sapiencia cultos
l.6 quos terras misit per mundum binos vel [tern]os cunctum, ut Deum predicarent et gentes babtizarent, patronos hordinarent,
l.7 ȩcclesias fundarent. Ex qua hor[dinacion]e et benignisima dirivacione in episcopatu Cavellico una ecclesia est hedificata
l.8 et in honore sancti Domnini consecrata. Hanc abbas Massilie Petrus cum suis monachis faciens consecrare donat in dotalio
l.9 mansum unum cum campis et vineis cunctisque suis apendiciis, quem excolit homo Petrus nomine. Domnusque Wilelmus
l.10 senior Agoldi donat pro redempcione sue anime ad eandem ecclesiam de terra arabili modiatam unam.
l.11 Reddatque matri ecclesie omni anno qui eam tenuerit, denarios numero.