Enguerran, seigneur d'Hesdin, fonde un prieuré dans l'église Saint-Georges d'Hesdin et le donne à l'abbaye d'Anchin

l.1 IN NOMINE SANCTAE ET INDIVIDUAE TRINITATIS, OMNIBUS SOLI DEO SERVIENTIBUS, ENGUERRANNUS SIC HUJUS MUNDI VANITATEM
l.2 transcurrere ut inde gaudium cȩleste a Domino mereantur accipere. Quoniam Deum ac Dominum nostrum de omnibus quae gerimus justum judicem venturum, et juxta nostrorum merita
l.3 operum unicuique poenas vel premia retributurum credimus, justum est, ut eum de facultatibus ab eo nobis commissis in ȩcclesiarum reȩdificatione honorificemus, ipso per Aggeum
l.4 dicente: Ascendite in montem, portate lignum et ȩdificate domum, et acceptabilis michi erit et glorificabor. Quapropter ego Engelrannus ȩcclesiam Sancti GEORGII,
l.5 sitam juxta hoc castrum Hesdin dolens multo tempore divini cȩlebratione sacramenti caruisse, divina ammonitus inspiratione, et Mathildis meȩ conjugis fideliumque
l.6 meorum persuasus ammonitione, Gerardi quoque Teruanensis episcopi a quo illam sicut etiam alias quasdam in feodum possideo et clericorum suorum consensu et voluntate, ȩcclesiȩ
l.7 Sancti Salvatoris de Aquicincto in cellam jure perpetuo libere possidendam attribuo eo tenore ut de Aquicinensis cȩnobii fratribus ibi tot monachi habeantur, quot
l.8 facultas rerum sancto Georgio datarum admiserit. Et ut fratres in monasterio eodem manentes, Deo diligentius necessaria humanȩ vitȩ habentes serviant, haec
l.9 quȩ subscribta sunt, conjugis meȩ Mathildis consilio eorum usibus dono: silvam de Pruneroia liberam, vineam meam, vallem de Punpri, curtile Galteri filii David
l.10 et terram patris ejus, terram Rotberti, terram Stehardi, terram Godefridi Hurlun, terram Bernulfi, terram Rodulfi de Burgeth, Hunluncam, sexaginta solidos
l.11 de redditu quadrigarum omni anno, ita ut in die Paschȩ incipiant recipere, et tamdiu totum quadrigarum redditum teneant, quousque LX solidos habeant.
l.12 Aquam ad piscandum, et omnes silvas meas ad monasterium, ad domos faciendas, ad focum, et ad omnia necessaria monasterii, pascuas quoque ubique terrȩ meȩ, in silvis,
l.13 in nemoribus, in campis, in aquis, omnino ubique propriis porcis et animalibus eorum sibique servientium omni tempore gratis et sine aliquo redditu concedo. Homines vero qui
l.14 in terra eorum manserint, vel mansuri venerint, liberos ab omni teloneo vel redditu vel exactione facio, nec umquam per me vel per alium justificabuntur, nisi ubi malefactum
l.15 fecerint intercepti fuerint. Et quamvis sancto GEORGIO omnes silvas meas ad omnia monasterii necessaria et pascuas propriis animalibus eorum gratis concesserim, non tamen
l.16 aliter hominibus sancti GEORGII quam meis concedo. Quae autem subscripta sunt homines mei meo consensu contulerunt: Hugo Estels quam emit a Nicholao
l.17 culturam dedit. Arnulfus de Hesdin, molendinum de Puinta et duas cambas, atque culturam de Punpri, Bruile et Poteirval et curtile apud Punpri; Alardus
l.18 curtile Rotberti, campum de cruce Andreae, sicut ipse tenuit. Hugo filius Winnoldi, curtile Alboldi, Balduinus filius Ascelini, IIo curtilia Hugonis et Alheri, et
l.19 terram Behirsarth sicut ipse tenuit; Rodulfus Teneuel, culturam quam habuit versus Punpri; Alelmus de Brasli, II curtilia, et Ia avesnam versus Sanctum Quintinum,
l.20 et I versus Quarinam, Ingelboldus de Caisnoit duas partes altaris et atrii de Morelimo monte, concedente Nicholao et fratribus et matre a quibus ipse tenuit,
l.21 Walterus filius Balduini duo curtilia et dimidium veir ad Albin; Oilardus et filii et uxor ejus terram de Vuastenois sicut ipse tenuit. Si autem
l.22 quispiam hominum meorum sancto GEORGIO aliquid quod a me possidet donare voluerit, similiter quoque libere concedo. Sciendum vero est quia canonici sancti Martini qui ȩcclesiam
l.23 Sancti GEORGII suo juri mancipant, huic meȩ donationi consentiunt in tantum, ut ipsis hortantibus predictam ȩcclesiam ȩcclesiȩ de Aquicincto tribuam. Unde eis ȩcclesiam
l.24 Sancti Fusciani quȩ in eodem castro Hesdino est, libere dono cum omnibus sibi pertinentibus. Similiter ȩcclesiam Sancti Martini cum omnibus ad eam pertinentibus et duas cambas libere
l.25 eisdem canonicis tribuo. Quamobrem predicti canonici quicquid in ȩcclesia Sancti Georgii habebant ȩcclesiȩ Sancti Salvatoris de Aquicincto et sancto Georgio contulerunt
l.26 excepto quod hospites sancti GEORGII in Nativitate, in Pascha, in Pentecosten, ad ecclesiam Sancti Martini veniant, decimasque segetum et animalium sancto Martino
l.27 reddant et ibi baptizandi baptismum, nubentes benedictionem suscipiant. De hortis vero suis nullum debitum persolvant. Nullus serviens sancti GEORGII vel
l.28 quippiam de pane ejus vivens parrochianus sancti Martini erit, nec decimam nec oblationem sancto Martino dabit, nec ipsi monachi de animalibus vel hortis suis decimam
l.29 dabunt. Alii vero homines sancti Georgii cum obierint IIIor denarios sancto Martino dabunt. Si autem quippiam predictorum canonicorum habitum monachilem suscipere, vel
l.30 mortui a monachis sepeliri voluerit statutum est, ut sine licentia aliorum ibi recipiatur. Alii vero infirmi vel mortui nullo modo sine licentia canonicorum recipiantur.
l.31 Huic rei interfuerunt Engelrannus, Hugo, Rotbertus Fretel, Odo filius Oilardi, Rotbertus de Schercin, Nicholaus et cȩteri suprascripti. Actum est autem hoc anno
l.32 ab incarnatione Domini MLXXXXIIII, indictione secunda, concurrente VI, epacta I, regnante Philippo Francorum rege, dominante
l.33 in Flandria comite Rotberto juniore, cujus assensu et voluntate hoc totum factum est, Gerardo episcopo presidente in ȩcclesia Teruanensi,
l.34 Aimerico abbate in cȩnobio Aquicinensi; regnante domino nostro Jhesu Christo, cui est honor et gloria in sempiterna sȩcula. Amen.
l.35 [sceau].

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 146-147.

GERZAGUET (Jean-Pierre), Les chartes de l'abbaye d'Anchin (1079-1201), Turnhout, 2005 (Artem), p. 99-101, n° 10.