Richard de Malaucène, Raimos son épouse, Rostang son frère et Falatrade son épouse, et alii, restituent à Saint-Victor de Marseille l'église Saint-Victor et Saint-Pierre située à Grausel dans l'évêché de Vaison, avec toutes les églises en dépendant.

l.1 In sanctȩ et individuȩ Trinitatis nomine. Ego Richaus de Malaucena castello, et frater meus Rostagnus, et mulieres nostrae et filii nostri, pro redemptione animarum nostrarum et parentum nostrorum, et ut vitam ȩternam mereamur in cȩlis
l.2 accipere, donamus et reddimus altari quod est consecratum in honore sanctȩ Mariȩ semper virginis, sanctique Victoris martiris Christi, in monasterio Massiliensi, et monachis ejusdem loci tam presentibus quam futuris, scilicet
l.3 ȩcclesiam sancti Victoris et sancti Petri in episcopatu Vasensi sitam, in loco Grassello nuncupato, cum omnibus ȩcclesiis quȩ ad eam pertinere videntur, et in ejus territorio fundabuntur, et cum omni honore quem habet, et accaptabit
l.4 vel recuperabit. Licentiam etiam donamus totis nostris hominibus, tam militibus quam pagensibus, terrarumque et vinearum cultoribus, non dicimus totum, sed quantulumcumque de sua tenura, quam tenent per nos, et quantum
l.5 Deus inspiraverit cordibus eorum, pro suis animabus, donent ipsi ȩcclesiȩ sancti Victoris et sancti Petri, sicut prescriptum est ecclesiȩ sancti Victoris Massiliensis monasterii, per nos donatȩ et redditȩ. Ego jamdictus
l.6 Richaus, et frater meus Rostagnus, et mulieres nostrȩ Raimos et Falatrudis, et filii nostri Poncius et Richaus, Arbertus et Gontardus, et Geraldus, Willelmus et Datilus, Armandus et Petrus,
l.7 Leodegarius, Datilus et Ugo, pro terrenis cupientes mercari cȩlestia, sicut pretitulatum habetur, donavimus et donamus sancto Victori et Massiliensi monasterio, et monachis ejusdem loci tam presentibus quam
l.8 futuris, sepenominatam ecclesiam sancti Victoris et sancti Petri, in Grassello fundatam, cum omnibus ecclesiis quas videtur habere et ibi fundatȩ erunt, sive in territorio ejus fuerint, et totum honorem quem habet
l.9 et accaptabit et recuperabit. Necnon et ego Richaus, et uxor mea Raimus, et filii nostri Poncius et Atbertus, Rotlandus et Datilus, pro remedio animarum nostrarum et parentum nostrorum, ut Deus omnipotens
l.10 absolvat nos a vinculis peccatorum nostrorum et perducat ad regna cȩlorum, donamus ipsis ecclesiis quȩ supra nominavimus, scilicet sanctȩ Mariȩ sanctique Victoris et sancti Petri, nostram partem quam habemus in parrochia
l.11 de Malaucena, cum omnibus apendiciis quȩ ad ipsam parrochiam pertinent, et ipsam ecclesiam sancti Michaelis, ad quam tota parrochia illa pertinet.
l.12 Et ego Rostagnus et uxor mea Falatrudis, et filii nostri supradicti, similiter donamus ipsis ecclesiis quȩ supra nominavimus, scilicet sanctȩ Mariȩ sanctique Victoris et sancti Petri, nostram partem quam habemus in parrochia
l.13 de Malaucena, cum omnibus apendiciis quȩ ad ipsam parrochiam pertinent, et ipsam ecclesiam sancti Michaelis, ad quam tota parrochia illa pertinet, ita videlicet ut ipsi jamdicti monachi sancti Victoris, Massiliensis
l.14 monasterii, presentes et post eos futuri, prȩdicta omnia, sibi a nobis collata et conferenda, nostro consilio accaptanda, teneant et in perpetuum sine ulla contrarietate possideant. Hanc donationis et redditionis
l.15 cartulam scribi precepimus, manibusque nostris firmavimus alios quoque firmare rogavimus. Si quis autem hanc donationem annullare aut inpugnare temptaverit, non valeat vendicare quod voluit, sed iram omnipotentis Dei in-
l.16-currat, omnibusque maledictionibus, quȩ in veteri testamento et novo scriptȩ sunt, astrictus et oppressus, dampnetur in inferno inferiore, cum Juda traditore, nisi satisfecerit digna emendatione. Acta vero anno
l.17 ab incarnatione Domini millesimo LVIIII. W[illelmus] presbiter firmat. Smido firmat. Poncius Moringus firmat. Petrus Serpullus firmat. Rostagnus Vigusenna firmat.
l.18 Ego Richaus et uxor mea Raimos et filii nostri supradicti donamus etiam decimam de liz[da] quȩ nobis contingit in merca[to] Malaucenȩ. [Et] pro hoc dono recepimus unum equum obtimum in precio, et Ros[ta]gnus Crucias unum pairolum similiter pro hoc dono habuit.
l.19 Donamus etiam decimam de fornatge, similiter predictis s[anctis] et monachis. Et ego Faraldus nepos supradicti Richauniensens in capitulo Massiliensi similiter dedi pro salute anime meȩ et parentum meorum decimum de Luda que mihi pertinet in[...]ito Maulaucene. Signum Faraldi qui hoc donum dat et militis [...] Rostagni.