Gérard, évêque de Cambrai, donne à l'abbaye d'Anchin l'église d'Esquerchin.

l.1 IN NOMINE SANCTE ET INDIVIAE TRINITATIS. Gerardus secundus Dei gratia Cameracensis ȩcclesiae
l.2 episcopus, omnibus Deum colentibus hic prosperitate gaudere, et in futuro aeterna perfrui beatitudine.
l.3 Notum sit tam prȩsentium quam futurorum devotioni, quod ego Gerardus secundus sanctȩ Cameracensis aecclesiae
l.4 episcopus, pro animae meȩ meorumque successorum et antecessorum episcoporum remedio, assensu et precibus archidiaconorum
l.5 et clericorum meorum aecclesiam sancte Mariae de Eschercinio cum omnibus sibi pertinentibus aecclesiae sancti
l.6 Salvatoris de Aquicincto sine persona et ab omni redditu preter annua obsonia liberam jure perpetuo
l.7 donaverim possidendam. Et ne hanc quam prȩdictȩ aecclesiȩ feci donationem aliquis ullo modo
l.8 impedire vel infirmare prȩsumat, sigilli mei auctoritate volui confirmari. Si quis autem hanc
l.9 aecclesiam vel alia quȩ tam a me quam ab aliis fidelibus eidem ȩcclesiȩ sancti Salvatoris de Aquicincto
l.10 sunt collata auferre temptaverit, anathemati subjaceat. Qui vero haec inviolata custodierit
l.11 vel multiplicare studuerit, aeternam a Christo percipiat beatitudinem. Huic igitur interfuerunt
l.12 dationi Alardus Atrebatensis archidiaconus cujus assensu et precibus hoc actum esse nullus
l.13 ambigat, et Mascelinus Cameracensis et Bernardus Ostrevanensis archidiaconi, Hugo etiam
l.14 decanus sanctȩ Mariȩ, Aimericus quoque Aquicinctorum abbas, et multi alii. Actum est hoc
l.15 anno ab incarnatione Domini ILXXXXII, epacta VIIII, indictione XV, regnantibus
l.16 Henrico in Lothoringia, Philippo in Francia, principante Rotberto in Flandria,
l.17 regnante Domino nostro Jhesu Christo qui cum Patre et Spiritu Sancto vivit et regnat Deus per
l.18 omnia saecula saeculorum amen.
l.19 [sceau].

1

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 145.

VAN MINGROOT (E.), Liste provisoire des actes des évêques de Cambrai de 1031 à 1130, dans µSerta devota in memoriam Guillelmi Lourdaux, pars posterior : cultura mediaevalisµ, éd. W. Verbeke et al, Louvain, 1995, p. 13-55, p. 25, n° 38.

GERZAGUET (Jean-Pierre), Les chartes de l'abbaye d'Anchin (1079-1201), Turnhout, 2005 (Artem), p. 95-96, n° 7.