Alexandre II, pape, à la demande de Gervais, archevêque de Reims, confirme les modalités d'élection et les droits du prévôt de l'abbaye Saint-Denis de Reims.

l.1 [croix] ALEXANDER, EPISCOPUS, SERVUS SERVORUM DEI, PREPOSITO ECCLESIȨ SANCTORUM MARTIRUM DIONISII,
l.2 Rustici et Eleutherii, Remis sitȩ dilecto filio, suisque successoribus in perpetuum. Piȩ postulatio voluntatis effectu debet prosequenti compleri, quatenus et de-
l.3-votionis sinceritas laudabiliter enitescat, et utilitas postulata vires indubitantes assumat. Proinde juxta petitionem confratris nostri Gervasii, venerabilis Remensis
l.4 archiepiscopi, ecclesiae Beatorum martirum Dionisii, Rustici et Eleutherii, que a prefato Gerbasio archiepiscopo et edificiis et munificentiis recuperata cui in canonica
l.5 congregatione sub regula beati Agustini preesse dinosceris hujusmodi privilegium presenti auctoritatis nostrȩ decreto indulgemus, concedimus, atque firmamus, statu-
l.6-entes nullum regum, nullum antistitum, nullum quacumque preditum dignitate, vel quemquam alium de his quȩ eidem ecclesiae a prefato Gerbasio archiepiscopo vel ab aliis fidelibus jam
l.7 juste donata sunt vel in futurum a quibuslibet aliis de proprio fuerint juste collata sub cujuslibet cause occasionisve specie minuere vel auferre sive suis husibus applicare
l.8 vel aliis quasi piis causis pro suȩ avaritiȩ excusatione concedere, sed cuncta que ibi oblata sunt, vel offeri contigerit, tam a te quam ab eis qui in tuo officio locoque
l.9 successerint, a presenti tempore illibata et sine inquietudine aliqua possidere, eorum tamen husibus pro quorum sustentatione gubernationeque concessa sunt modis omnibus
l.10 profutura. Idem constituimus ut, obeunte te, vel post te, aliquo ejusdem ecclesiae preposito, non alius ibi quacumque obreptionis astutia ordinetur, nisi quem Remensis
l.11 archiepiscopus cum communi consensu ejusdem ecclesiae canonicorum secundum Dei timorem elegerit ac providerit ordinandum. Hoc quoque capitulo presenti subjungimus; ut locum avaritie se-
l.12-cludamus, nullum de regibus, nullum de sacerdotibus, vel quemcumque alium per se subpositamve personam, de ordinatione ejusdem prepositi vel quibuscumque causis ad ecclesiam ipsam
l.13 pertinentibus audeat in auro vel in alia qualibet commodi specie quicquam accipere, neque eundem prepositum ordinationis suȩ causa dare presumat, ne hac occasione ea quȩ a fidelibus
l.14 piis locis offeruntur, aut jam oblata sunt, consumantur. Et quoniam multe occasiones in deceptione religiosarum personarum a pravis hominibus exquiruntur, prepositum predictȩ ecclesiae
l.15 nullo modo privandum deponendumque esse censemus, nisi specialiter causa criminis exigente. Unde necesse est ut, si qua contra eum hujusmodi querela surrexerit, non solus archiepiscopus Remensis
l.16 causam examinet, sed, adibitis sibi aliis episcopis suis, subtili hoc investigatione perquirat, quatenus, cunctis concorditer judicantibus, canonice districtionis censura aut reum
l.17 facere aut innocentem possit absolvere. Quotiens tamen prenominatȩ ecclesiae prepositus episcoporum prejudicio se gravari previderit, apostolicam sedem libere appellet, vel cum pro hujus-
l.18-modi prejudicio vel pro utilitate ecclesiae sui ad Romanum pontificem venire voluerit, ei modis omnibus liceat. Hec igitur omnia, que hujus precepti decretique nostri pagina continet, tam tibi
l.19 quam cunctis qui in eo in quo es hordine locoque successerint, vel eis quorum interesse poterint, in perpetuum servanda decernimus. Si quis vero regum, sacerdotum, judicum atque
l.20 secularium personarum hanc constitutionis nostrȩ paginam agnoscens, contra eam venire temptaverit, potestatis honorisque sui dignitate careat, reumque se divino judicio existere
l.21 de perpetrata iniquitate cognoscat, et nisi ea que ab illo sunt male ablata restituerit; vel digna penitentia inlicite acta defleverit, a sacratissimo corpore ac sanguine Dei domini
l.22 redemptoris nostri Jhesu Christi alienus fiat, atque in eterno examine districte ultioni subjaceat; cunctis autem eidem loco jura servantibus sit pax domini nostri Jhesu Christi quatenus et hic
l.23 fructum bone actionis recipiant, et apud districtum judicem premia eternȩ pacis inveniant. Scriptum per manus Octaviani scrinii et notarii sanctae apostolice sedis.
l.24 [rota].
l.25 [sceau].

JAFFE-LOEWENFELD, n° 4632.

MARLOT (G.), Metropolis Remensis historia, 2 vol., Lille et Reims, 1666-1679, t. 2, p. 142.

MIGNE (abbé Jacques-Paul), Patrologia Latina 146 (Adamus Bremensis, Lambertus Hersfeldensis), Paris 1853, col. 1330-1332, n° 51.