Raimond Alcherius et Ricsindis son épouse donnent à Saint-Victor de Marseille l'église Saint-Caprais au diocèse de Rodez, avec les chapelles et biens dépendants.

l.1 Conditoris omnium ineffabilis bonitas cum genus humanum a sua dignitate invidia diaboli condoloret pro lapsum ad hoc unigenitum suum in hanc convallem lacrimarum mittere preordinavit
l.2 ut quod suasio diabolica seu fragilitas humana corruperat, presentia suȩ incarnacacionis restauraret, et unde inobȩdiendo deciderat, in melius reformatum pȩnitendo et obediendo
l.3 reduceret. Hoc ipsud denique jam adveniens salubri concione proclamat: Penitentiam agite appropinquavit enim regnum cȩlorum. Et ejusdem pȩnitentiȩ formam scriptura divina
l.4 demontrans: Date, inquit, helemosinam et omnia munda sunt vobis. Hoc ego Raimundus Alcherii cum uxore mea Rixendis considerans simulque labentis seculi vanitatem
l.5 et miseriam recognoscens, meque ita ejusdem seculi negociis implicatum ut nisi divina clementia subveniat ab ejus naufragio vix me evadere credam, elegi cum supradicta uxore mea ex sobole
l.6 nobis a Deo concessa unum eidem creatori et donatori Deo offerre ut ipse pro nobis et omnibus parentibus nostris Dominum semper exoret. Providimus ȩtiam ne inanem eum et alienum a nostra hereditate optulisse
l.7 videamus donare aliquid ex hereditate nostra domino Deo et sancte Mariȩ et sancto Victori monasterii Massiliensis in quo eum ad Deo serviendum offerimus, et abbati Durando in cujus manu
l.8 hoc ipsut facimus et omnibus successoribus ejus et monachis presentibus et futuris in supradicto monasterio Deo servientibus. Est autem hoc ipsut quod donamus in comitatu vel episcopatu Rutenen-
l.9-si videlicet ȩcclesia sancti Caprasii quȩ antiquissima parrochia circumjacentium trium castrorum fuit et propter capellas, quȩ in ejusdem castellis constructȩ sunt aliquanto tempore ad heremum est redac-
l.10-ta. Hanc ego Raimundus Alcherii cum uxore mea Rixendis et nepote illius Resteduna cupientes ad statum pristinum reformare, cum consilio et voluntate fratrum meorum Geraldi Alcherii
l.11 et Petri Alcherii et cum consilio et voluntate Gualcherii de Verzols et filii ipsius Bernardi qui fevum ipsius ȩcclesiȩ per nos tenebant. Donamus domino Deo et sancte Marie et sancto Victori supradicti
l.12 monasterii Massiliensis ad alodem et fevum cum aliis ȩcclesiis quȩ ad eandem parrochiam sancti Caprasii pertinent idem ȩcclesiam sancti Thome de Verzols et ecclesiam sancti Marcialis de Mont Alegre,
l.13 simul etiam et ȩcclesiam sancti Salvatoris in ipso castello de Petra. Quantum ad istas ȩcclesias pertinet totum et ab integro donamus supradictis sanctis et monasterio suprascripto sine ullo
l.14 engan et sine ullo retenemento. Sunt autem termini ipsius alodi qui ad eandem ȩcclesiam sancti Caprasii pertinet: ab oriente, boschus Ademari Gairoardi sicut ascendit in boschum qui dicitur
l.15 Esductum qui est meus et uxoris meȩ Rixendis, et usque in terra de Las Bordas; et a meridie sicut est poius qui dicitur Castlar et strata publica de Lubeira; et ab occidente terminatur
l.16 sicut est terratorium de La Faga et costa plana et rivus qui dicitur Saltum Vetule, et vergit in ipsum flumen Sorga; et ab aquilone est ipse fluvius Sorga cum piscacione usque in
l.17 locum qui dicitur Ad Rochas. Quantum infra istas affrontaciones concluditur totum cedimus et donamus ut si aliquis homo qui fevum tenet per nos infra hos terminos voluerit dare sancto
l.18 Victori et sancto Caprasio habeant ad alodem sancti supradicti semper tam cultis terris quam incultis, arboribus pomiferis et inpomiferis, aquis aquarumve decursibus. Donamus etiam
l.19 infra istos terminos in loco qui dicitur Poio Misero comandam et convenienciam quam habemus in uno manso ejusdem territorii quod nullus potest dare aut inpignorare alicui homi-
l.20-ni nisi nobis et unum multonem in ipso manso. Donamus similiter ego Raimundus Alcherii et uxor sua Rixendis et frater meus Petrus Alcherii in supradicto comitatu Rutenensi
l.21 in parrochia ȩcclesiȩ sancti Simphoriani villam quȩ dicitur Boschet, ubi sunt duo mansi integri et donant omni anno censum: V panes et V sestarios de civada, et ad kalendas et ad meissus II solidos et VIII denarios et duo cabmasi qui sunt in ipsa villa ad kalendas
l.22 et ad meissus, VIII denarios. Et de alio manso ipsius ville qui dicitur
l.23 Soleirato medietatem ad alodem, et in alio loco ipsius ville ubi dicitur Eissart Mainerii aliut mansum. Hos mansos donamus supradicto monasterio Massiliensi
l.24 ad alodem et fevum et ad beneficium et ad totos honores cum vineis quȩ ibi sunt in dominio. Donamus etiam in villa quȩ dicitur Cobertiz unum mansum ad alodem et ad fevum et ad be-
l.25-neficium et ad totos honores et Petrus Maiolet debet tenere medietatem ipsius fevi per nos. Donamus etiam in villa quȩ dicitur Baias in uno manso quem tenet Johannes et frater
l.26 suus unum porcum de VIIII denarios. Donamus etiam de omni pane qui in domo nostra fuerit decimum, et si post mortem nostram filius noster qui domum nostram tenuerit noluerit simi-
l.27-liter dare decimum de pane domus suȩ damus in excambio beneficium mansi de Nicag. Hec omnia superius scripta ego Raimundus Alcherii cum uxore mea
l.28 Rixendis et filiis nostris Willelmo Petro, Pontio donamus, laudamus et ex nostro jure in jus sancti Victoris transfundimus et hanc donacionis cartam ma-
l.29-nibus propriis firmamus, et alios firmare rogamus. Signum [croix] Raimundi Alcherii. Signum [croix] Rixendis. Signum Wilelmi. [croix] Signum Petri fratris
l.30 ejus. [croix] Signum Pontii fratris ejus. [croix] Signum Restedune nepote domne Rixendis quȩ hoc donum sicut suprascriptum est [laud]at et firmat. Signum Geral-
l.31-di Ademari. Signum [croix] Wilelmi Compan. Signum [croix] Fredolonis. Ego Gualcherius de Verzols cum uxore mea Richeldis et fi-
l.32-liis meis Bernardo et Petro supradictum donum quod domnus Raimundus et uxor ejus domna Rixendis faciunt volens confirmare, pro remedio
l.33 anime meȩ vel parentum meorum dono omnem fevum quem in supradictis ecclesiis vel in omni honore ad easdem pertinente de ipsis Raimundo vel uxore
l.34 ejus sive de aliis hominibus tenebam. Et omnem malum usum quem in ejusdem ecclesiis vel in honore earum usque, nunc habui et alberga dono et relinquo Deo
l.35 et sancto Victori et sancto Caprasio, et hoc donum suprascriptum cum aliis laudo et firmo et filios meos ceterosque homines firmare precipio. Signum [croix] Gualcherii.
l.36 Ego Bernardus Gualcherii supradictum donum patris mei laudo et firmo. [croix] Signum [croix] Raimundi Arle. Signum Petri Moiolet.
l.37 Sane si quis contra hanc donacionis nostrȩ cartam venire temptaverit aut donum suprascriptum irrumpere in aliquo voluerit, non possit vindicare quod
l.38 injuste repetit sed componat in vinculo auri libras X et insuper donatio ista firma et stabilis in perpetuo permaneat, et nisi resipuerit sit cum Juda traditore
l.39 et cum Dathan et Abiron in perpetuum dampnatus. Et si aliquis ex filiis nostris hanc donacionis nostrȩ cartam infringere temptaverit, ego Raimundus Alcherii et mater eorum
l.40 Rixendis exheretamus eos ab omni honore nostro ut sint alieni ab omnibus quȩ nostri juris sunt nisi adjutores et defensores in omnibus fuerint tam presentis donacionis quam omnium quȩ
l.41 in antea in supradicto loco sancti Caprasii accaptaverint. Simili maledictione ego Gualcherius filios meos constringo nisi fideles et adjutores sancto Caprasio fuerint.
l.42 Facta carta donacionis hujus in manu domni abbatis Durandi anno incarnacionis dominice MLVIII, indictione XI, epacta XXIII, regnante Heienrico rege Francorum.
l.43 Ego Fredulus amicus do unum massum Deo et sancto Victori pro remedio animȩ meȩ vel parentum meorum al Trescol en la Lobere et unum capmasum qui vocetur Al Troil.
l.44 Et Ugo fratrem Fredoleni donat sancto Victori et sancti Caprasii et abbatis Richardi et omni congregatione Massiliensis Aiga levada des Lestrada de Lobora ermum et coltum usque
l.45 ad Rufiac quantum pertinet ad suam partem alodem et fevum et decimum. Et in alio loco ego Ugo relinquo unum capmasum similiter qui vocetur Druila
l.46 et per istam honorem que est suprascripta dedimus decem solidos de denariis raemundense et duos modios de frumento.
l.47 Richels de Verzols relinquid una vinea que est dicta Al Caira pro remedium animȩ suȩ ad alodem Deo et sancto Victori et sancti Caprasii. Rustizuna relinquid una vinea que est
l.48 juxta ȩcclesiam sancti Caprasii et donavimus sesters de annona tres. Aimarus Compain dedit pro salutem anime patri suȩ Deo et sancto Victori et sancti Caprasii una vinea al Cambo subter castelli quȩ dicitur Petra.