Pons II, évêque de Marseille, fils d'Aicelène, le vicomte Foulques son oncle, Guillaume et Geoffroi ses frères, et ses neveux, donnent à Saint-Victor de Marseille l'église Sainte-Cécile au territoire de Trets, avec tous ses biens.

l.1 In nomine sanctȩ et individuae Trinitatis. Ego Pontius Massiliensis episcopus, Aicelenae quondam filius, et domnus Fulco vice-
l.2-comes, avunculus meus, necnon et Guilelmus et Gosfredus fratres mei, et filii ejusdem Guilelmi, Fulco et Gosfredus,
l.3 audientes Dominum dicentem: Date elemosinam, et omnia munda sunt vobis, et rursus: Sicut aqua extinguit ignem, ita elemosina
l.4 extinguit peccatum, pro animarum nostrarum, nostrorumque redemptione parentum, donamus domino Deo et sancto Victori Massiliensis
l.5 monasterii, monachisque ejusdem loci, tam presentibus quamque futuris, videlicet ȩcclesiam sanctae Ceciliȩ, in territorio de Tritis sitam,
l.6 cum suo altari et cum omnibus quae habet habituraque est, in vineis et campis, in ortis et pascuis, in garricis terrisque cultis
l.7 et incultis, simulque suis cum exitibus, et cum omnibus aliis rebus quas videtur vel videbitur habere, ea scilicet ratione, ut
l.8 illi eandem cum supradictis omnibus ȩcclesiam teneant, et sine ulla contrapellatione in perpetuum possideant. Hanc cartulam
l.9 donationis fieri precepimus, manibusque [nostris firma]vimus, et aliosque firmare rogavimus. Si quis autem hujusmodi dona-
l.10-tionem [ann]ullare temptaverit vel d[ecurtaverit], non valeat vendicare quod voluit, sed a fidelibus Dei cogatur
l.11 supranominatis monachis x libras op[timi au]ri exolvere, ipsa nichilominus donatione firma permanente,
l.12 insuper dampnetur in inferno inferiore cum Juda traditore nisi emendaverit digna satisfactione. Facta est autem
l.13 hȩc carta donationis sive firmata anno ab incarnatione Domine millesimo LoVI indictione [...],
l.14 regnante Heinrico, Allemannorum rege, et Chuonradi quondam regis filio. Feliciter.
l.15 Domnus Fulcho dedit et firmavit. Bertrannus Iterius fir[mavit]. Ai[c]ardus fir[mavit]. Gosfredus nepos domni Fulco-
l.16-nis fir[mavit], et uxor sua et filii sui; et ipse donavit atque firmavit; et dedimus eis q[u]inquaginta solidos. Bermundus Isnardus et uxor sua
l.17 et filii sui, et Wilelmus nepos suus donaverunt et firmaverunt; Fulcho Agarnus similiter; et inter omnes acceperunt XI solidos et VI fetas cum agniculis.