Beraldus et Pierre son neveu, donnent à Saint-Victor de Marseille la moitié d'un manse à Gisors, une vigne et un manse à Mison et une vigne à Faucon.

l.1 [croix] In nomine sanctȩ et individuȩ Trinitatis. Ego Beraldus et Petrus nepos meus pro animabus nostris et nostrorum parentum, donamus domino Deo et sancto Victori
l.2 Massiliensis monasterii, et monaquis ejusdem loci, tam presentibus quamque futuris, videlicet medietatem unius mansi, quȩ Bertelai fuit
l.3 nostri patris, et quam ipse habuit in Jugurnis, et nobis in hereditatem donavit, excepta sexta parte quȩ fuit data in sponsalitium matri
l.4 ejusdem patri nepotis mei, quam licet ei in vita sua possidere, post mortem autem ejus ad nostrum donum transituram predictum. In Miso-
l.5-nem quoque unam peciam de vinea donamus et unam mansionem quȩ fuit nostrum cellarium. In Falcone, similiter alteram peciam de vinea. Supradictam
l.6 donationem fecimus in terris cultis et incultis, in pratis et vineis, campis et garricis, supranominato sancto Victori et monachis ejusdem, et presen-
l.7-tibus et futuris, ut ipsi habeant et in eternum possideant. Et hanc inde cartulam fieri jussimus, et manibus nostris firmavimus,
l.8 et alios firmare rogavimus. Si quis autem hanc donationem annullare, vel minuere voluerit, aut inquietare presumpserit,
l.9 non valeat vendicare quod voluerit, set cogatur unam auri libram solvere prenominatis monachis; insuper damnetur in in-
l.10-ferno inferiore, nisi digna satisfaccione emendaverit. Acta est autem anno ab incarnatione Domini millesimo LIIII, indicio-
l.11-ne VI. Feliciter. Isoardus firmavit. Galdemarus Camelus firmavit. Rothlannus firmavit.
l.12 Ricaus firmavit. Costantius firmavit. Radulfus firmavit. Vincentius firmavit. Dalmatia firmavit. Radulfus
l.13 Broca et filii sui firmaverunt. Et nepotes sui Petrus et Radulfus.