Stéphanie, vicomtesse de Marseille, donne à l'église Sainte-Marie et à l'abbaye du Saint-Sauveur de Marseille deux tenures situées à Solliès, héritées de son mari.

l.1 Quoniam scripture textus quinque intervertitur membrane vicio aut prolixa temporum intercapedine vel qua alia justa vel
l.2 probabili racione ut necesse sit instrumentum simile vetustiori scribere, idcirco presentem scripturam que ni-
l.3-mia temporum diuturnitate fere consumpta erat ut ejus semper habeatur memoria volumus renovare, hoc est inicium.
l.4 In Christi nomine hec est donatio quam dat domna vicecomitissa Stephana femina religiosa aliquid de proprietate sua
l.5 quod ei obvenit de hereditate viri sui domni Wilelmi ad cenobium sancte Marie virginis quod est situs infra muros
l.6 Massiliae et est ipsa donatio in pago Tolonense in villa que nominant Solarios. Hee sunt due tenure in
l.7 manso cum presbitero et parrochianis ecclesie beate Marie de Bello Loco et dono ipsas tenuras cum predicta
l.8 ecclesia Deo omnipotenti et beate Marie et cenobio Sancti Salvatoris Massiliae ut Deus dimitat nostra peccata et [d]et salutem et sapi-
l.9-entiam filiis meis et indulgeat delicta viri mei domni Wilelmi. Dono ipsas tenuras cum integro cum quantum tenent
l.10 ipsas tenuras, cum mansionibus, cum curtis, cum oglatis, cum campis, cum ortis, cum [...]edinis, cum aquis [aqua]rum, cum omnibus
l.11 apendiciis, cum arboribus pomiferis et impomiferis, cum montibus et vallibus que ad ipsas tenuras pertinent vel pertinere debent.
l.12 In tale vero tenore hoc dono quod nulla abbatissa vel priorissa neque clericus neque laicus neque ullus homo non presumat hanc
l.13 donationem nec minuere nec male dispergere sed ad servicium cotidianis diebus religiosis monialibus mancipare. Et
l.14 si quis hoc facere voluerit, primitus in sententiam ponatur et sit in comparatione cum Datan et Abiron et Juda proditore et inci-
l.15-dat in mortem cum Anna et Saphira et sit maledictus et excomunicatus semper omnique tempore. Amen. Amen. Fiat. Fiat. Hec
l.16 scriptio facta est mandante domina Stephana cum manu Stephani hujus kantoris, tempore Joffridi vicecomite Haresthen-
l.17-si et Massiliensi, sub Poncio episcopo sedis Massilie, pridie idus maii, annis ab incarnatione Domini nostri Jhesu Christi MoLo, in-
l.18-dictione tercia. Bertrandus et Petrus fratres ejus firmaverunt et laudaverunt.

1