Pons Malnerius, vicomte de Marseille, Salomé son épouse et d'autres membres de la famille, ainsi que d'autres donateurs donnent au Saint-Sépulcre de Jérusalem toute la dîme du château de Vidauban.

l.1 Auctoritas etenim jubet ecclesiastica et lex consistit romana ut quicumque rem suam in qualicumque vim potestate tranfundere voluerit per paginem testamenti eam infundat,
l.2 quapropter ego Poncius Malnerius vicecomes Massilie et uxor mea Salomes et filii mei Wilelms et Fulco et ego similiter Josfredus frater Poncii Malnerii
l.3 damus aliquid de mea hereditate domino Deo et gloriosissimo ejus Sepulcro Jherosolime et Aque pendentis et sanctissime matris Christi atque virginis MARIE et sancti Petri
l.4 inter Aquas. Hoc est totum decimum de toto castello Vidalbano, de pane, vino, carne et de omni re.
l.5 Totum hoc damus sine aliquo vicio pro redemptione animarum nostrarum et parentorum nostrorum et omnium Christianorum ut omnipotens Deus per intercessionem beati Petri principe apostolorum simulque
l.6 sanctorum quorum hic reliquie venerantur et omnium qui ante Domini sunt stantes et orationes monacorum dimittat nostra peccata cunctorum et omnium Christianorum, AMEN.
l.7 Similiter ego Petrus Ugo et Franco frater meus et Ugo totum quod nobis pertinet damus. Ego Barnefredus et uxor mea Petronilla et filii mei similiter damus. Ego Josfredus prior et Ugo
l.8 Guilelms et fratres nostri similiter damus. Et insuper propter servicium fratris nostri BERTRANDI quod serviti sunt monachi retdecimum damus de totum hoc quod habemus et Deus dederit nobis.
l.9 Ego Fulco, Adalais et filii mei totam meam partem de decimo quod accipiebam dono domino Deo et sancto Petro pro redemptione anime mee et uxori mee quia habui de substancia nostra omnem
l.10 partem suam voluntate monachis
l.11 Facta carta ista in mense agusti, XI kalendas septimbris, feria V, luna XXII, anno ab incarnato Domino MXCI, [...] indictione XII, regnante Anrico rege Alamandorum, ordinato Beringuerio episcopo
l.12 Forojuliensi. Habuit Poncius Malnerius I cavallum, I mulum, II boves filii Guilelmo unum bovem precio X solidos. Maurellus totum hoc acaptavit prior.
l.13 S. Ugo Rainaldus firmavit. S. Franco firmavit. S. Petrus de Vidalbano firmavit. S. Arnulfus Jabertus firmavit. S. Geraldus eremita firmavit.
l.14 S. Ugo Dalta Folia firmavit. S. Ysmido firmavit. S. Petrus Schivus firmavit.