Baudouin II, comte de Hainaut, confirme la donation de l'alleu de Vesignon faite par le noble chevalier Thierry à l'abbaye de Marchiennes.

l.1 IN NOMINE SANCTAE ET INDIVIDUAE TRINITATIS PATRIS ET FILII ET SPIRITUS SANCTI, AMEN. Ego Balduinus junioris comitis
l.2 ac Richeldis comitisse filius, Hainacensium et Valentianensium necnon et Duacensium et Austrovantensium simul comes volo ut omnes undique longe lateque veraciter
l.3 agnoscant tam hi qui inpresentiarum sunt quam qui post nos futuri sunt, quod quidam miles nobilis nomine Theodericus divino instinctu permotus
l.4 proprium sui juris alodium Vesinium nuncupatum, ȩcclesiȩ Marceniensi in qua beatarum Rictrudis et Eusebie corpora cum aliorum plurimorum sanctorum
l.5 pigneribus venerabiliter requiescunt pro salute anime suae conferre disponens venit ad me consulens et expetens ut per meum consilium et meam corrobora-
l.6-tionem illud solenniter perficere valeret. Ego vero et ȩcclesiȩ Dei profectum et illustris viri devotum intuens affectum, et suum salutiferum collaudavi
l.7 votum et ratum duxi me adquiescere ipsius consultui et satisfacere expeticioni. Igitur coram me in presentia principum meorum ceterorumque scilicet equestris
l.8 ordinis fidelium et curialium ac multorum civium, idem vir bonus predictum Vesinii alodium cum omni integritate manu sua cum impositione manus meae
l.9 liberum ab omni exactione contulit religioso ejusdem cenobii nomine Adelardo ad opus prenominate ȩcclesiȩ abbati. Sunt autem ipsius predii XXVII cultilia
l.10 situsque dominice curtis infra quam sunt privata hȩdificia et arboretum, situs etiam duarum cambarum duorumque furnorum, terra arabilis quantum plene
l.11 sufficit quinque carrucis, quamque coloni illius loci ad medietatem per omnes sationes faciunt et excolunt, tria quoque prata cum palustribus locis.
l.12 Placuit ergo mihi quatinus hanc subscriptionis kartam juberem conponi, ne ullus in perpetuum audeat resistere vel contradicere seu aliquam
l.13 violentiam presignatis ȩcclesiȩ bonis inferre quȩ tanta subnixa constant auctoritate veratiumque testium astipulatione. Quod si forte quispiam
l.14 malignus istud meae confirmationis decretum aliquando temerare presumpserit principatus nostri judicii severitatem sentiat et experiatur in detri-
l.15-mento centum librarum si liber homo fuerit, non liber autem oculorum amissionem. Haec sunt nomina testium qui traditioni predicti allodii
l.16 vel hujus kartȩ confirmationi interfuerunt. Signum comitis Balduini, qui hoc fieri precepti. [colonne1] Signum Walcheri de Cervia. Signum Fastredi de Fossato. Signum Baldrici de Rosisgin. Signum Hugonis de Valencenis. Signum Gerulfi de Hum. Signum Walcheri de Cavren. [colonne2] Signum Almanni pueri. Signum Godefridi castellani. Signum Gerardi Arnulfi filii. Signum Willeloti castellani. Signum Goberti de Anzeng. Signum Walandi. [colonne3] Signum Huberti de Lothes. Signum Hugonis de Foro. Signum Hugonis de Sancto Albino. Signum Hugonis de Rumaltcurt. Signum Ilberti de Curcellis. Signum Bernardi Berneri filii. [colonne4] Signum Walteri villici. Signum Alberti villici. Signum Diberti villici. Signum Hiluini villici. Signum Walteri villici. Signum Ragineri villici.
l.17 Actum anno ab inc[a]rnatione Domini millesimo octogesimo nono, indictione duodecima, concurrentibus VII, epacta sexta,
l.18 regnante Philippo Francorum rege, aecclesiȩ Cameracensi pontificante Gerardo secundo.
l.19 SIGNUM HUGONIS CANCELLARII. SIGNUM BERTUINI NOTARII. [sceau].