Gérard II, évêque de Cambrai, confirme à Saint-Géry de Cambrai le don de l'autel de Villers fait par dame Richilde.

l.1 [croix] IN NOMINȨ SANCTȨ TRINITATIS. GERARDUS SECUNDUS DEI GRATIA CAMERACENSIUM EPISCOPUS, OMNIBUS IN CHRISTO VIVENTIBUS CELESTE GAUDIUM ADIPISCI
l.2 cum sanctis animabus. Quedam mulier Richeldis nomine cuidam viro Alardo nuptiali copulata vinculo pari mente indissociabili dilec-
l.3-tione cum eo per aliquantulum tempus vivens ex illo filios suscepit, cui mortuo superstes ejusdem dilectionis exibitionem illius animȩ impendere
l.4 curavit. Audierat namque saluti defunctorum elemosinas prodesse, sanctorum patrum scripturis testantibus immo idipsum Augustino sic
l.5 affirmante neque negandum est ait defunctorum animas pietate suorum viventium relevari, cum pro illis sacrificium mediatoris offertur,
l.6 vel elemosinȩ in ecclesia fiunt. Quocirca michi sicut pastori suo animi sui intentionem patefecit, et ut votum suum per me
l.7 ad effectum deduceret obnixe postulavit. Cujus precibus annuens altare de villa Vilario nuncupata in Hainoensi pago
l.8 sita ȩcclesiȩ Sancti GAUGERICI ubi maritus ejus sepultus erat sine persona sine ulla redemptione preter debita obsonia contradidi,
l.9 ea conditione ut illa dum viveret filius vero suus Erleboldus post illam illud altare teneret, sed post eorum discessum canonicis Sancti
l.10 GAUGERICI cederet, sic tamen ut anniversarium tam suum quam mariti facerent canonici illi quotannis, et illa Richeldis
l.11 migrans a seculo ibidem sepeliretur ab eis. Ut autem hoc maneat ratum et inconvulsum, est sigillo nostro confirmatum, et fidelium
l.12 nostrorum testimonio corroboratum. S. domni Mazelini sanctȩ Mariȩ prepositi et Cameracensis archidiaconi. S. Gerardi archidiaconi. S. Alardi
l.13 archidiaconi et ȩcclesiȩ Sancti Gaugerici prepositi. S. Ansfridi archidiaconi in cujus archidiaconatu supradictum altare consistit.
l.14 ACTUM EST HOC ANNO AB INCARNATIONE DOMINI IoLXXXmoVIIIIno REGNI VERO HEINRICI XXXmoVIIIIno PRESULATUS GERARDI XIII INDICTIONE XIIma.
l.15 [sceau].

COURTOIS (Michèle), Chartes originales antérieures à 1121 conservées dans le département du Nord, Mémoire de Maîtrise, Université de Nancy II, 1981, p. 131.

VAN MINGROOT (E.), Liste provisoire des actes des évêques de Cambrai de 1031 à 1130, dans µSerta devota in memoriam Guillelmi Lourdaux, pars posterior : cultura mediaevalisµ, éd. W. Verbeke et al, Louvain, 1995, p. 13-55, p. 24, n° 22.